പാലക്കാട്: കെഎസ്ആര്ടിസിയില് നിരോധിത പുകയില കടത്ത് നടത്തിയ സംഭവത്തില് ഒന്പത് ഡ്രൈവര്മാര് പിടിയിലായി. നിരോധിത പുകയില ഉത്പന്നങ്ങളുമായാണ് ഡ്രൈവര്മാര് പിടിയിലായത്. പുകയില ഉല്പന്നങ്ങള് കടത്തുന്നത് വ്യാപകമാണെന്ന വിവരം പുറത്തുവരുന്നതിനിടെയാണ് ജീവനക്കാര് നിരോധിത പുകയില ഉല്പന്നങ്ങളുമായി പിടിയിലാവുന്നത്.
പാലക്കാട്-ആലത്തൂര് ദേശീയപാതയില് ഇന്നലെ രാത്രി മോട്ടോര്വാഹനവകുപ്പു നടത്തിയ പരിശോധനയിലാണ് കെഎസ്ആര്ടിസി ജീവനക്കാര് കുടുങ്ങിയത്. കെഎസ്ആര്ടിസി ഡ്രൈവര്മാര് നിരോധിത പുകയില ഉല്പന്നങ്ങള് ജോലി സമയത്ത് ലഹരിക്കായി ഉപയോഗിക്കുന്നതായും വിവരമുണ്ട്. പലപ്പോഴും ഇത്തരം ലഹരി ഉപയോഗം വാഹനാപകടങ്ങള്ക്ക് ഇടയാക്കുന്നുണ്ടെന്നും പരാതിയുണ്ട്. കുഴല്മന്ദത്ത് രണ്ടു യുവാക്കള് കെഎസ്ആര്ടിസി ബസ് ഇടിച്ച് കഴിഞ്ഞ ദിവസം മരിച്ചിരുന്നു.
ഇതേ തുടര്ന്ന് നടത്തിയ വാഹനപരിശോധനയിലാണ് ജീവനക്കാരില് നിന്ന് നിരോധിത പുകയില ഉല്പന്നങ്ങള് പിടികൂടിയത്. ഡ്രൈവര്മാര് ശരീരത്തിന്റെ വിവിധ ഭാഗങ്ങളിലും ബാഗിലുമായി ഒളിപ്പിച്ച പുകയില ഉത്പന്നങ്ങളും പിടിച്ചെടുത്തിട്ടുണ്ട്.
Comments