തിരുവനന്തപുരം : പൊതുപരിപാടിയിൽ അപമാനിക്കുന്ന പരാമർശം നടത്തിയ കെ.ബി ഗണേഷ് കുമാർ എംഎൽഎയ്ക്കെതിരെ ആയുർവേദ ഡോക്ടർമാരുടെ സംഘടന. ഗണേഷ് കുമാർ നടത്തിയ പരാമർശം ജനപ്രതിനിധിയ്ക്ക് ചേരാത്തത് ആണെന്ന് സംഘടന പ്രതികരിച്ചു. പൊതുപരിപാടിയ്ക്കിടെ ഡോക്ടർമാരെ അദ്ദേഹം അലവലാതി ഡോക്ടർമാർ എന്ന് വിളിച്ചിരുന്നു. ഇതിലാണ് സംഘടന പ്രതികരണവുമായി രംഗത്ത് വന്നിരിക്കുന്നത്.
തലവൂർ ആയുർവേദ ആശുപത്രിയിലെ ഡോക്ടർമാരുടെ സംഘടനയെയാണ് ഗണേഷ് കുമാർ പരസ്യമായി വിമർശിച്ചത്. ഇതിന് പിന്നാലെ പുറത്തിറക്കിയ വാർത്താ കുറിപ്പിൽ ആണ് സംഘടന എംഎൽഎയുടെ പെരുമാറ്റം ജനപ്രതിനിധിയ്ക്ക് യോജിക്കാത്തത് ആണെന്ന് അറിയിച്ചത്. അലവലാതി പരാർശം ജനപ്രതിനിധിയ്ക്ക് ചേരാത്തത് ആണെന്നായിരുന്നു സംഘടന പറഞ്ഞത്.
തലവൂർ ആശുപത്രിയിലെ പുതിയ കെട്ടിടത്തിന്റെ ഉദ്ഘാടന വേളയിലായിരുന്നു ഗണേഷ് കുമാറിന്റെ പ്രതികരണം. ചില അലവലാതി ഡോക്ടർമാർ എനിക്കെതിരെ പറയുന്നത് കേട്ടുവെന്നാണ് ഗണേഷ് കുമാർ പറഞ്ഞത്. ചടങ്ങിൽ ആരോഗ്യമന്ത്രിയുൾപ്പെടെ പങ്കെടുത്തിരുന്നു.
Comments