ന്യൂഡൽഹി: നിറങ്ങളുടെ ഉത്സവമായ ഹോളി ആഘോഷത്തിൽ എല്ലാ ഭാരതീയർക്കും ആശംസകൾ നേർന്ന് രാഷ്ട്രപതി രാംനാഥ് കോവിന്ദ്. ഏവരുടെയും ജീവിതത്തിൽ സന്തോഷവും, ഉത്സാഹവും ഊർജവും ഉണ്ടാകട്ടെ എന്ന് രാഷ്ട്രപതി ആശംസിച്ചു. ട്വിറ്ററിലൂടെയാണ് അദ്ദേഹം ആശംസകൾ നേർന്നത്.
‘ഹോളിയുടെ ആഘോഷങ്ങൾ നിറഞ്ഞ ഈ അവസരത്തിൽ എല്ലാ ഇന്ത്യക്കാർക്കും ഹൃദയം നിറഞ്ഞ ആശംസകൾ. നിറങ്ങളുടെ ഉത്സവമായ ഹോളി, സാമുദായിക സൗഹാർദ്ദത്തിന്റെയും അനുരഞ്ജനത്തിന്റെയും ഉദാഹരണമാണ്. വസന്തത്തിന്റെ ആഗമനത്തെക്കുറിച്ചുള്ള നല്ല വാർത്തകൾ ഹോളി നൽകുന്നു. ഈ ഉത്സവം എല്ലാ ഇന്ത്യക്കാരുടെയും ജീവിതത്തിൽ സന്തോഷവും ഉത്സാഹവും പുതിയ ഊർജവും പകരട്ടെ എന്ന് ഞാൻ ആശംസിക്കുന്നു’ രാഷ്ട്രപതി ട്വിറ്ററിൽ കുറിച്ചു.
പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തരമന്ത്രി അമിത് ഷാ, പ്രതിരോധമന്ത്രി രാജ്‌നാഥ് സിംഗ് എന്നിവരും ഹോളി ആശംസകൾ നേർന്നിരുന്നു. ഹോളി ആഘോഷം രാജ്യമെമ്പാടുമുള്ള ആളുകൾക്ക് വളരെയധികം സന്തോഷം നൽകുന്ന ഒന്നാണ്. ഈ ഉത്സവം നിങ്ങളുടെ ജീവിതത്തിൽ സന്തോഷത്തിന്റെ എല്ലാ നിറങ്ങളും കൊണ്ടുവരട്ടെ എന്നാണ് പ്രധാനമന്ത്രി ആശംസിച്ചത്.
