ബംഗളൂരു: ഐപിഎൽ സീസൺ തുടങ്ങാൻ മൂന്ന് ദിവസം മാത്രം ബാക്കിനിൽക്കേ ചെന്നൈ നായകസ്ഥാനം ഒഴിഞ്ഞ ധോണിയെ പ്രകീർത്തിച്ച് വിരാട് കോഹ്ലിയും മുൻ താരങ്ങളും രംഗത്ത്. ‘മഞ്ഞക്കുപ്പായത്തിലെ ഐതിഹാസിക ക്യാപ്റ്റൻസിയുടെ കാലയളവ്. ആരാധ കർക്ക് മറക്കാനാകാത്ത അദ്ധ്യായം’വിരാട് ട്വിറ്ററിൽ കുറിച്ചു.
https://twitter.com/imVkohli/status/1506991827764752387/photo/1
ഐപിഎല്ലിൽ ടീമിനെ ഒൻപത് തവണ ഫൈനലിലെത്തിക്കുകയും നാലു തവണ ചാമ്പ്യന്മാരാക്കുകയും ചെയ്ത നായകൻ ധോണിയെ തമിഴ് ജനത തലൈ എന്ന പേരിട്ട് സ്വന്തമാക്കുകയായിരുന്നു. ധോണിക്ക് കീഴിൽ കളിച്ച് പിന്നീട് ഇന്ത്യൻ നായക പദവിയിലെത്തിയ വിരാട് കോഹ് ലി തന്നെയാണ് ആദ്യ പ്രതികരണവുമായി ധോണിയെ പുകഴ്ത്തി രംഗത്തെത്തിയത്.
ചെന്നൈ സൂപ്പർ കിംഗ്സിനായി കഴിഞ്ഞ ദിവസം പരിശീലനം നടത്തിക്കഴിഞ്ഞയുട നെയാണ് ഈ സീസണിൽ ഇനി നായകസ്ഥാനത്തേക്ക് ഇല്ലെന്നും പകരക്കാരനായി രവീന്ദ്ര ജഡേജ ടീമിനെ നയിക്കുമെന്നും ധോണി പ്രഖ്യാപിച്ചത്. മുൻപ് ഇടക്കാലത്ത് സുരേഷ് റയ്നയും ചെന്നൈയെ നയിച്ചിട്ടുണ്ട്. കരിയറിലെ ഏറ്റവും മികച്ച ഫോമിലുള്ള രവീന്ദ്രജഡേജയെ തന്നെ ധോണി തിരിഞ്ഞെടുത്തത് ഉചിതമായ തീരുമാനമെന്നാണ് ഫ്രാഞ്ചൈസി സിഇഒ കാശി വിശ്വനാഥൻ പറയുന്നത്.
ധോണിയുടെ നായകപ്പെരുമ നന്നായി അറിയാവുന്ന ചെന്നൈ ആരാധകർ കടുത്ത നിരാശ യിലാണ്. 2008 ആദ്യ സീസൺ മുതൽ ധോണി ടീമിനൊപ്പമുണ്ട്. ധോണിക്ക് കീഴിൽ 204 മത്സര ങ്ങളാണ് ടീം കളിച്ചത്. ഇതിൽ 121ലും ടീം ജയിച്ചു.
