മുംബൈ: ഐപിഎല്ലിന്റെ പതിനഞ്ചാം സീസണിന് ഇന്ന് തുടക്കം. നിലവിലെ ചാമ്പ്യന്മാരായ ചെന്നൈ സൂപ്പർ കിംഗ്സും മുൻചാമ്പ്യന്മാരായ കൊൽക്കത്ത നൈറ്റ് റൈഡേഴ്സുമാണ് ഉദ്ഘാടന മത്സരത്തിൽ ഏറ്റുമുട്ടുന്നത്. കഴിഞ്ഞ തവണത്തെ ഫൈനലിന്റെ ആവർത്ത നമെന്ന പ്രത്യേകത വലിയ ആവേശമാണ് ആരാധകരിൽ ഉണ്ടാക്കുന്നത്. മുംബൈ വാങ്കഡെ സ്റ്റേഡിയത്തിലാണ് മത്സരം.
ആകെ പത്തു ടീമുകളെന്ന പ്രത്യേകതയോടെ ഇന്ന് ആരംഭിക്കുന്ന ഐപിഎല്ലിൽ ചെന്നൈയ്ക്ക് അപ്രതീക്ഷിതമായി രവീന്ദ്രജഡേജയുടെ നേതൃത്വത്തിലാണ് ഇറങ്ങേണ്ടി വരുന്നത്. ധോണി കഴിഞ്ഞ ദിവസം നായകസ്ഥാനം ഒഴിയുകയായിരുന്നു. കൊൽക്ക ത്തയ്ക്കും യുവനായകനാണ് നേതൃത്വം കൊടുക്കുന്നത്. ഇന്ത്യൻ മദ്ധ്യനിരയുടെ കരുത്തനായ ശ്രേയസ് അയ്യരാണ് പുതിയ സീസണിൽ പുതിയ ടീമിലേക്ക് നായകനായി എത്തിയിരി ക്കുന്നത്.
ചെന്നൈയ്ക്ക് വേണ്ടി സൂപ്പർതാരമായ ഇംഗ്ലണ്ടിന്റെ മൊയീൻ അലിയും ദീപക് ചാഹറും പരിക്കുമൂലം ഇന്ന് കളിക്കുന്നില്ല. അതുപോലെ കൊൽക്കത്തയിലും രണ്ടു സൂപ്പർ താര ങ്ങളുടെ കുറവുണ്ട്. ആരോൺ ഫിഞ്ചും പാറ്റ് കമ്മിൻസും കളിക്കുന്നില്ല. കഴിഞ്ഞ സീസണിൽ മികച്ച ബാറ്റിംഗ് കാഴ്ചവെച്ച ഋതുരാജ് ഗേയ്ക് വാദ്, റോബിൻ ഉത്തപ്പ, അമ്പാട്ടി റായിഡു എന്നിവർ ക്കൊപ്പം ഡെവോൺ കോൺവേയും, ഡ്വേയ്ൻ ബ്രാവോയും, ശിവം ദുബേയുമാണ് രവീന്ദ്ര ജഡേജയ്ക്കൊപ്പം ചെന്നൈയുടെ കരുത്ത്.
നിതീഷ് റാണ, സാം ബില്ലിംഗ്സ്, ആന്ദ്രേ റസൽ, സുനിൽ നരൈൻ, വരുൺ ചക്രവർത്തി, ഇന്ത്യൻ നിരയിലേക്ക് കടന്നിരിക്കുന്ന വെങ്കിടേശ് അയ്യർ എന്നിവരാണ് കൊൽക്കത്തയുടെ കരുത്ത്.
