കുംഫുവിൽ ഒരു കൈ പരീക്ഷണം നടത്തിയിരിക്കുകയാണ് സോഷ്യൽ മീഡിയയിൽ സജീവമായ താരപുത്രി വിസ്മയ മോഹൻലാൽ. തായ്‌ലൻഡിൽ എത്തിയ വിസ്മയയുടെ കുംഫു പരിശീലന രംഗങ്ങളും പൈ സന്ദർശനവും ആവേശത്തോടെയാണ് ആരാധകർ ഏറ്റെടുത്തത്.
പ്രയാസമേറിയ വർക്കൗട്ടുകളും ആയോധന കലാ പരിശീലനങ്ങളുമെല്ലാം സോഷ്യൽ മീഡിയയിൽ നേരത്തെയും പങ്കുവെക്കാറുള്ള വിസ്മയയുടെ കുംഫു ട്രെയ്‌നിങ്ങാണ് ഏറ്റവും ഒടുവിലത്തേത്. കുംഫു പരിശീലനത്തിൽ താൻ തുടക്കക്കാരിയാണെന്നും പൈ എന്ന സ്ഥലവുമായി ഇപ്പോൾ താൻ പ്രണയത്തിലായി കഴിഞ്ഞുവെന്നും വിസ്മയ ഇൻസ്റ്റഗ്രാമിൽ കുറിച്ചു.
കുറച്ച് നാളുകൾക്ക് വേണ്ടി മാത്രമാണ് പൈയിൽ എത്തിയത്. എന്നാൽ കുംഫു ആസ്വദിക്കാൻ തുടങ്ങിയതോടെ താമസം നീട്ടിക്കൊണ്ടുപോയി. ആ തീരുമാനത്തിൽ വളരെയധികം സന്തുഷ്ടയാണ്. ഇവിടുത്തെ മലനിരകളിലെ മനോഹരമായ കാഴ്ചകളും കുംഫു പരിശീലനവും ശരീരത്തിനെയും മനസിനെയും ശാന്തമാക്കുന്നതായിരുന്നു. തന്നെ ക്ഷമയോടെ കുംഫു പരിശീലിപ്പിച്ച പരിശീലകർക്ക് നന്ദിയുണ്ടെന്നും ഇവിടേക്ക് തീർച്ചയായും മടങ്ങിവരുമെന്നും വിസ്മയ ഇൻസ്റ്റഗ്രാമിൽ കുറിച്ചു. ഇതോടെ സോഷ്യൽ മീഡിയയിൽ നിരവധി ആരാധക പിന്തുണയുള്ള വിസ്മയയുടെ പൈ സന്ദർശനവും കുംഫു പരിശീലന വീഡിയോയും ഇൻസ്റ്റഗ്രാമിൽ വൈറലാണ്.
