ഖത്തർ ഫുട്ബോൾ ലോകകപ്പിന്റെ ഭാഗ്യ ചിഹ്നം പുറത്തിറക്കി. പന്ത് തട്ടുന്ന അറബ് ബാലൻ ‘ലഈബ്’ ആണ് ഭാഗ്യചിഹ്നം. ഫിഫ വേൾഡ് കപ്പിന്റെ ഔദ്യോഗിക ട്വിറ്റർ അക്കൗണ്ടിലൂടെയാണ് ഭാഗ്യചിഹ്നം പുറത്തുവിട്ടത്.
നേരത്തെ ഫുട്ബോൾ ലോകകപ്പിന്റെ ഔദ്യോഗിക ഗാനം ഫിഫ പുറത്തിറക്കിയിരുന്നു . ”ഹയ്യ ഹയ്യ” എന്നാണ് ഗാനത്തിന്റെ പേര്. ‘മികവോടെ ഒരുമിച്ച്’ എന്നതാണ് ഹയ്യ ഹയ്യയുടെ ആശയം.ട്രിനിഡാഡ് കാർഡോണ, ഡേവിഡോ, ഐഷ എന്നിവർ ചേർന്നാണ് ഗാനം പാടിയിരിക്കുന്നത്. ഫിഫയുടെ ഔദ്യോഗിക പേജിലൂടെയാണ് പാട്ട് പുറത്തിറക്കിയത്.
ഇന്നലെ നടന്ന ലോകകപ്പ് ഫിക്ചർ നറുക്കെടുപ്പുമായി ബന്ധപ്പെട്ട ചടങ്ങിൽ ഗാനം ലൈവായി ആലപിച്ചു. ഈ വർഷം നവംബറിലാണ് ഖത്തറിൽ ലോക ഫുട്ബോൾ മാമാങ്കത്തിന് തുടക്കമാവുക.
