ഓർലിയൻസ്: ബാഡ്മിന്റൺ മേഖലയിൽ വെന്നിക്കൊടിപാറിച്ച് ഇന്ത്യൻ താരങ്ങളുടെ കുതിപ്പ് തുടരുന്നു. ഫ്രാൻസിൽ നടക്കുന്ന ഓർലിയൻസ് മാസ്റ്റേഴ്സ് സൂപ്പർ 100 ടൂർണ്ണമെന്റിൽ ഇന്ത്യൻ താരം രണ്ടാം സ്ഥാനം കരസ്ഥമാക്കിയത്. പുരുഷവിഭാഗത്തിൽ മിഥുൻ മഞ്ജുനാഥാണ് വെള്ളിമെഡൽ നേട്ടം കൊയ്തത്. തോമാ ജൂനിയർ പോപോവിനോടാണ് മിഥുൻ പോരാടിയത്.
ലോക 79-ാം റാങ്കിംഗിലുള്ള ഇന്ത്യൻ താരം ഏറ്റുമുട്ടിയത് ഫ്രാൻസിന്റെ ലോകോത്തര താരം പോപോവിനോടാണ്. 21-11ന് ആദ്യ ഗെയിം നഷ്ടപ്പെട്ടെങ്കിലും രണ്ടാമത്തേതിൽ 21-19 വരെ എത്തിച്ച ശേഷമാണ് മിഥുൻ കീഴടങ്ങിയത്.
ആദ്യമായി ഒരു അന്താരാഷ്ട്ര ടൂർണ്ണമെന്റിൽ ഫൈനലിൽ കളിക്കുന്ന മിഥുൻ മികച്ച പ്രകടനമാണ് കാഴ്ചവെച്ചത്. മുൻ ജൂനിയർ യൂറോപ്യൻ ചാമ്പ്യനാണ് സ്വർണ്ണം നേടിയ പോപോവ്. ഇതേ ടൂർണ്ണമെന്റിൽ ഇന്ത്യയുടെ ടോപ് സീഡ് ബി.സായ് പ്രണീത് നേരത്തേ പുറത്തായിരുന്നു.
