പാലക്കാട്: എലപ്പുള്ളിയിൽ മൂന്നു വയസുകാരന്റെ മരണം കൊലപാതകം. പാലക്കാട് എലപ്പുള്ളിയിൽ ചൊവ്വാഴ്ച പകൽ മരിച്ച മൂന്ന് വയസുകാരന്റെ മരണമാണ് കൊലപാതകമാണെന്ന് സ്ഥിരീകരിച്ചത്. ഇതിന് പിന്നാലെ അമ്മ ആസിയയെ പോലീസ് കസ്റ്റഡിയിലെടുത്തു.
എലപ്പുള്ളി ചുട്ടിപ്പാറ, വേങ്ങോടി മുഹമ്മദ് ഷെമീർ-ആസിയ ദമ്പതികളുടെ മകനാണ് കൊല്ലപ്പെട്ടത്. അമ്മ ആസിയയെ കസ്റ്റഡിയിലെടുത്ത് നടത്തിയ ചോദ്യം ചെയ്യലിൽ ശ്വാസം മുട്ടിച്ച് കൊലപ്പെടുത്തിയെന്ന് മൊഴി ലഭിക്കുകയായിരുന്നു.
ചൊവ്വാഴ്ച പകലാണ് മൂന്ന് വയസുകാരനായ മുഹമ്മദ് ഷാനിനെ അബോധാവസ്ഥയിൽ കണ്ടെത്തിയത്. ആസിയയുടെ സ്വന്തം വീട്ടിൽ വെച്ചാണ് സംഭവമുണ്ടായത്. ബന്ധുക്കളും നാട്ടുകാരും ചേർന്ന് കുട്ടിയെ ഉടൻ ജില്ലാ ആശുപത്രിയിൽ എത്തിച്ചിരുന്നെങ്കിലും ജീവൻ രക്ഷിക്കാനായില്ല. സംഭവത്തിന് പിന്നാലെ തന്നെ കുട്ടിയുടെ അമ്മ ആസിയയെ പോലീസ് കസ്റ്റഡിയിലെടുത്തിരുന്നു. ആസിയയും ഭർത്താവ് ഷെമീറും കഴിഞ്ഞ ഒരു വർഷമായി അകന്ന് കഴിയുകയായിരുന്നു എന്നാണ് വിവരം.
Comments