പാലക്കാട് : ആർഎസ്എസ് നേതാവ് ശ്രീനിവാസിനെ എസ്ഡിപിഐ തീവ്രവാദികൾ വെട്ടിക്കൊലപ്പെടുത്തിയ സംഭവം പ്രത്യേക സംഘം അന്വേഷിക്കും. നാർക്കോട്ടിക് സെൽ ഡിവൈഎസ്പി അനിൽ കുമാറിന്റെ നേതൃത്വത്തിലുള്ള സംഘമാണ് അന്വേഷണം നടത്തുക. കൃത്യത്തിൽ ഉൾപ്പെട്ടവരെക്കുറിച്ച് സൂചന ലഭിച്ചതായി പോലീസ് പറഞ്ഞു.
പാലക്കാട് നഗരപരിധിയിലും, പരിസര മേഖലകളിലും താമസിക്കുന്നവരാണ് കൃത്യത്തിൽ ഉൾപ്പെട്ടിരിക്കുന്നത് എന്നാണ് വിവരം. പ്രതികൾ സഞ്ചരിച്ച ബൈക്കുകളിൽ ഒന്നിന്റെ നമ്പർ പോലീസിന് ലഭിച്ചിട്ടുണ്ട്. മൂന്ന് ബൈക്കുകളിൽ ആണ് എസ്ഡിപിഐ സംഘം എത്തിയത്. പ്രതികളെക്കുറിച്ചുള്ള വിവരം ലഭിച്ച സാഹചര്യത്തിൽ ഇവരെ അധികം വൈകാതെ പിടികൂടുമെന്നാണ് സൂചന. മുൻകരുതലിന്റെ ഭാഗമായി 10 എസ്ഡിപിഐ പ്രവർത്തകരെ പോലീസ് കരുതൽ തടങ്കലിൽ ആക്കിയിട്ടുണ്ട്.
പോലീസിന്റെ നിഷ്ക്രിയത്വം ആണ് ശ്രീനിവാസിന്റെ കൊലയ്ക്ക് കാരണമായത് എന്നാണ് ഉയരുന്ന ആക്ഷേപം. ഈ സാഹചര്യത്തിൽ കൂടിയാണ് പ്രത്യേക അന്വേഷണ സംഘം രൂപീകരിക്കാനുള്ള തീരുമാനം. ശ്രീനിവാസ് കൊല്ലപ്പെടുന്ന സമയം പോലീസിന്റെ സാന്നിദ്ധ്യം പ്രദേശത്ത് ഉണ്ടായിരുന്നില്ലെന്നാണ് നാട്ടുകാർ ഉൾപ്പെടെ പറയുന്നത്. അക്രമികൾ രക്ഷപ്പെട്ടത് പോലീസ് ഒത്താശ്ശയോടെയാണെന്നും ആക്ഷേപം ഉയുരുന്നുണ്ട്.
Comments