കോഴിക്കോട് : നഗരത്തിൽ വൻ ലഹരിവേട്ട. പത്ത് ലക്ഷത്തോളം വിലമതിക്കുന്ന ബ്രൗൺഷുഗർ പിടികൂടി. സംഭവത്തിൽ കുണ്ടുങ്ങൽ സിഎൻ പടന്ന സ്വദേശിയായ സുനീറിനെ കസ്റ്റഡിയിൽ എടുത്തു.
42 ഗ്രാം ബ്രൗൺ ഷുഗറുമായാണ് ഇയാളുടെ പക്കൽ നിന്നും പിടിച്ചെടുത്തത്. ചില്ലറവിപണിയിൽ ഇതിന് പത്ത് ലക്ഷത്തോളം വില വരും . കസബ പോലീസും ഡാൻസാഫ് സ്ക്വാഡും ചേർന്ന് ചാലപ്പുറത്ത് നിന്നും വാഹന പരിശോധനക്കിടെയാണ് സുനീറിനെ പിടികൂടിയത്.
മുംബെയിൽനിന്ന് ഗ്രാമിന് 1700രൂപക്ക് ബ്രൗൺഷുഗർ വാങ്ങി 18,000 മുതൽ മുതൽ 22,000 വരെ വിലയിട്ടാണ് ജില്ലയുടെ വിവിധ ഭാഗങ്ങളിൽ സുനീർ വിൽക്കുന്നത്. ചോദ്യം ചെയ്യല്ലിൽ ലഹരിമരുന്നിന്റെ ഉറവിടത്തെ കുറിച്ച് പോലീസിന് വ്യക്തമായ വിവരം ലഭിച്ചിട്ടുണ്ട്. ഇയാൾക്ക് മറ്റു സഹായികളുണ്ടോ എന്ന കാര്യത്തെകുറിച്ചും പോലീസ് അന്വേഷിച്ചുവരുന്നുണ്ട്.
രണ്ടു വർഷം മുൻപ് ചേവായൂർ ഇരിങ്ങാടൻപ്പള്ളിയിൽ അമിതമായി ബ്രൗൺഷുഗർ ഉപയോഗിച്ച് യുവാവ് മരിച്ചിരുന്നു. ഇതിലെ പ്രതിയാണ്സുനീർ . പല സ്ഥലങ്ങളിൽ വാടകക്ക് മാറി താമസിച്ച് ഒളിവിൽ കഴിയുകയായിരുന്നു ഇയാൾ .
