ന്യൂഡൽഹി: ബിജെപി ദേശീയ ഉപാദ്ധ്യക്ഷൻ എ.പി അബ്ദുള്ളക്കുട്ടിയെ ദേശീയ ഹജ്ജ് കമ്മറ്റി ചെയർമാനായി തിരഞ്ഞെടുത്തു. രാജ്യതലസ്ഥാനത്ത് ചേർന്ന ഹജ്ജ് കമ്മിറ്റി യോഗത്തിലാണ് അബ്ദുള്ളക്കുട്ടിയെ തിരഞ്ഞെടുത്തത്.
വനിതാ നേതാക്കളായ മുനവ്വരി ബീഗവും മുഫാസ ഖാത്തൂനുമാണ് വൈസ് ചെയർപേഴ്സണുകൾ. വനിതാ നേതാക്കൾ ഹജ്ജ് കമ്മിറ്റി വൈസ് ചെയർപേഴ്സൺ സ്ഥാനത്ത് എത്തുന്നത് ആദ്യമായാണ്. രണ്ട് മുസ്ലീം വനിതകൾ കമ്മിറ്റിയിലെ വൈസ് ചെയർപേഴ്സൺ സ്ഥാനത്ത് എത്തിയതിൽ അതീവ സന്തോഷമുണ്ടെന്ന് കേന്ദ്രമന്ത്രി മുക്താർ അബ്ബാസ് നഖ്വി ട്വിറ്ററിലൂടെ പ്രതികരിച്ചു.
Congratulations to newly-elected Chairperson of Haj Committee of India, Shri @a_abdullakutty & Vice-Chairpersons @MunawariB Sahiba & @MafujaKhatunBJP Sahiba. I am happy that for the first time, 2 Muslim women have been elected as Vice-Chairperson of @haj_committee pic.twitter.com/r0EmlmnvSX
— Mukhtar Abbas Naqvi (@naqvimukhtar) April 22, 2022
കേരള ഹജ്ജ് കമ്മറ്റി ചെയർമാനായ സി. മുഹമ്മദ് ഫൈസിയും കേന്ദ്ര ഹജ്ജ് കമ്മറ്റിയിലേക്ക് തിരഞ്ഞെടുക്കപ്പെട്ടിട്ടുണ്ട്. 2025 മാർച്ച് 31 വരെയാണ് ഇദ്ദേഹത്തിന്റെ കാലാവധി.
