കൊച്ചി : മണിചെയിൻ കമ്പനിയുടെ പേരിൽ കോടികളുടെ തട്ടിപ്പ് നടത്തിയ രണ്ട് പേർ പിടിയിൽ. എറണാകുളം സ്വദേശികളായ ബെൻസൻ, ജോഷി എന്നിവരാണ് പിടിയിലായത്. പാലാരിവട്ടം പോലീസാണ് പ്രതികളെ അറസ്റ്റ് ചെയ്തത്. പ്രമോട്ടർമാരായ രണ്ട് പേരും കൊച്ചിയിൽ വെച്ചാണ് അറസ്റ്റിലായത്.
വെണ്ണല സ്വദേശിയുടെ പരാതിയിലാണ് ഇവർക്കെതിരെ നടപടിയെടുത്തത്. കൗണ്ട് വൺ എന്ന കമ്പനിയുടെ പേരിൽ ആണ് ഇവർ നിക്ഷേപം സ്വീകരിച്ചത്. തുടർന്ന് പണം ബിറ്റ്കോയിനിലേക്ക് മാറ്റുകയായിരുന്നു. പ്രതികളും ഇത് തുറന്ന് സമ്മതിച്ചു.
2019ൽ യുഎഇയിലാണ് കമ്പനി റജിസ്റ്റർ ചെയ്തിട്ടുള്ളത്. തട്ടിപ്പിൽ മുൻ മന്ത്രിയുടെ ബന്ധുവിനും പങ്കുണ്ടെന്ന് പരാതിക്കാർ പറയുന്നു. കേസിൽ വിശദമായ അന്വേഷണം നടക്കുകയാണ്.
Comments