മലപ്പുറം: സന്തോഷ് ട്രോഫി ആദ്യ സെമിഫൈനൽ ഇന്ന് മലപ്പുറത്ത് നടക്കും. കേരളവും കർണ്ണാടകയുമാണ് ഫൈനലിലേക്ക് കുത്തിക്കാൻ പോരാടുന്നത്. കേരളത്തിനെതിരെ കർണ്ണാടക ടീമിലും മലയാളി താരങ്ങളും പരിശീലകനുമുണ്ടെന്നത് കളിയുടെ ആവേശം കൂട്ടും. രാത്രി എട്ടര മണിക്ക് മഞ്ചേരി പയ്യനാട് സ്റ്റേഡിയത്തിലാണ് മത്സരം.
ഗ്രൂപ്പ് ചാമ്പ്യന്മാരായാണ് ആതിഥേയരായ കേരളം സെമിയിൽ കടന്നത്. ക്യാപ്റ്റൻ ജിജോ ജോസഫിന്റെ ഗോളടി മികവിലാണ് പ്രതീക്ഷ ഇതുവരെ നായകൻ 5 ഗോളുകൾ നേടിക്കഴിഞ്ഞു. മാത്രമല്ല കേരളം 11 ഗോളുകളാണ് എതിരാളികളുടെ വലയിലെത്തി ച്ചിരിക്കുന്നത്. അതേ സമയം വഴങ്ങിയത് മൂന്ന് ഗോളുകൾ മാത്രമെന്നതാണ് മുൻതൂക്കം നൽകുന്നത്.
കർണ്ണാടകയും കരുത്തരാണ്. ഗുജറാത്തിനെ എതിരില്ലാത്ത നാലു ഗോളുകൾക്ക് തകർത്താണ് കർണ്ണാടക ടീം സെമിയിൽ എത്തിയത്. ടീമിന്റെ പരിശീലകനും നാല് താരങ്ങളും മലയാളി കളാണ് എന്ന പ്രത്യേകത കാണികളെ ആവേശത്തിലാക്കും.
Comments