ലക്നൗ: അനീതിയ്ക്കെതിരെ പോരാടാൻ ഭഗവാൻ ശ്രീരാമന്റെ കൈവശം വില്ലും ശ്രീകൃഷ്ണ ഭഗവാന്റെ കൈവശം സുദർശന ചക്രവും ഉണ്ടായിരുന്നു.ഇന്ന് ഉത്തർ പ്രദേശിലെ ഭൂമാഫിയകളുടെ അനധികൃത സ്വത്തുക്കൾ നശിപ്പിക്കുന്നതിന് മുഖ്യമന്ത്രി യോഗി ആദിത്യനാഥിന്റെ കൈവശം ഒരു ബുൾഡോസർ ഉണ്ടെന്ന് ഉന്നാവോ എംപി സാക്ഷി മഹാരാജ്.
സർക്കാർ ഭൂമി കൈയേറി അനധികൃതമായി നിർമ്മിച്ച വസ്തുവകകൾ ബുൾഡോസർ ഉപയോഗിച്ച് പൊളിക്കാൻ യുപിയിലെ 99 ശതമാനം പൗരന്മാരും സന്തുഷ്ടരാണെന്ന് അദ്ദേഹം ചൂണ്ടിക്കാട്ടി.
സർക്കാർ ഭൂമിയിലെ അനധികൃത കയ്യേറ്റം ഒഴിപ്പിച്ചതായും ബുൾഡോസർ ഉപയോഗിച്ച് അനധികൃത കെട്ടിടങ്ങൾ പൊളിച്ചതായും യുപി സർക്കാർ നേരത്തെ വ്യക്തമാക്കിയിരുന്നു.
ശക്തമായ രണ്ടാം വരവിൽ ഉത്തർപ്രദേശിൽ കൊള്ളക്കാർക്കും ഭൂമാഫിയയ്ക്കും പേടി സ്വപ്നമായി മാറിയിരിക്കുകയാണ് യോഗി സർക്കാരും ബുൾഡോസറും. തുടർഭരണം ലഭിച്ചത് ക്രിമിനലുകൾക്കും, മാഫിയകൾക്കും വലിയ തലവേദനയാണ് സൃഷ്ടിച്ചിരിക്കുന്നത്. ഇതിനോടകം തന്നെ നിരവധി അനധികൃത നിർമ്മാണ പ്രവർത്തനങ്ങൾ യോഗി സർക്കാർ തടഞ്ഞിട്ടുണ്ട്. ക്രിമിനലുകളെ കൂട്ടത്തോടെ പിടികൂടുകയാണ് സർക്കാർ.
Comments