ഈദ് ആശംസകളുമായി പ്രധാനമന്ത്രിയും രാഷ്‌ട്രപതിയും; ഐക്യവും സാഹോദര്യവും വർദ്ധിക്കട്ടെയെന്ന് നരേന്ദ്രമോദി

ന്യൂഡൽഹി: രാജ്യത്തെ പൗരന്മാർക്ക് ഈദ് ആശംസകളറിയിച്ച് പ്രധാനമന്ത്രി നരേന്ദ്രമോദി. ഈദുൽ ഫിത്തർ ദിനത്തിൽ എല്ലാവിധ ആശംസകളും. ഈ മംഗളാവസരത്തിൽ നമ്മുടെ സമൂഹത്തിൽ ഐക്യവും സാഹോദര്യവും വർദ്ധിക്കട്ടെ. എല്ലാവർക്കും ആരോഗ്യവും സമൃദ്ധിയുമുണ്ടാകട്ടെയെന്നും പ്രധാനമന്ത്രി പറഞ്ഞു. ട്വിറ്ററിലൂടെയാണ് അദ്ദേഹം ഈദ് ആശംസകൾ നേർന്നത്.

Best wishes on Eid-ul-Fitr. May this auspicious occasion enhance the spirit of togetherness and brotherhood in our society. May everyone be blessed with good health and prosperity.

— Narendra Modi (@narendramodi) May 2, 2022

രാഷ്‌ട്രപതി രാം നാഥ് കോവിന്ദും ഇന്ത്യൻ സമൂഹത്തിന് ഈദ് ആശംസകളറിയിച്ചു. എല്ലാ പൗരന്മാർക്കും ഈദുൽ ഫിത്തർ ആശംസകൾ, പ്രത്യേകിച്ച് നമ്മുടെ മുസ്ലീം സഹോദരീ-സഹോദരന്മാർക്ക് എന്നായിരുന്നു രാഷ്‌ട്രപതിയുടെ ആശംസ.

റംസാൻ മാസാവസാനമാണ് ഈദുൽ ഫിത്തർ ആഘോഷിക്കുന്നത്. ഈ അവസരത്തിൽ പാവപ്പെട്ടവർക്ക് ഭക്ഷണവും ഭക്ഷ്യധാന്യവും വിതരണം ചെയ്യുന്നതിന് പ്രാധാന്യം നൽകുന്നു. ഈ ആഘോഷാവസരത്തിൽ സമൃദ്ധിയും ഐക്യവുമുള്ള സമാധാനപരമായ സമൂഹം കെട്ടിപ്പടുക്കുമെന്നും രാഷ്‌ട്രപതി പറഞ്ഞു.