ചെന്നൈ: തമിഴ്നാട്ടിൽ നൂറ്റാണ്ടുകൾ പഴക്കമുള്ള ശിവ വിഗ്രഹം പിടികൂടി പോലീസ്. വിപണയിൽ കോടികൾ വിലമതിക്കുന്ന ശിവ വിഗ്രഹം ആണ് തട്ടിപ്പ് സംഘത്തിൽ നിന്നും പോലീസ് പിടിച്ചെടുത്തത്. സംഭവത്തിൽ രണ്ട് പേർ പിടിയിലായിട്ടുണ്ട്.
500 വർഷങ്ങൾ പഴക്കമുള്ള വിഗ്രഹം ആണ് പിടിച്ചെടുത്തത്. പുരാതന കാലത്തെ ശിവ വിഗ്രഹം ചിലർ ചേർന്ന് വിൽപ്പന നടത്താൻ ശ്രമിക്കുന്നതായി പോലീസിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ നിർണായക നീക്കത്തിനൊടുവിലായിരുന്നു വിഗ്രഹം പിടികൂടിയത്. വിവരം അറിഞ്ഞ പോലീസ് വിഗ്രഹം വാങ്ങാനെന്ന വ്യാജേന പ്രതികളുമായി ഫോണിൽ ബന്ധപ്പെട്ടു. തുടർന്ന് വിലയുറപ്പിച്ച ശേഷം വിഗ്രഹം കൈമാറാനായി പ്രതികൾ എത്തിയപ്പോഴാണ് പോലീസ് പിടികൂടിയത്.
ഏകമുഖ ലിംഗ വിഗ്രഹമാണ് പ്രതികൾ വിൽക്കാൻ ശ്രമിച്ചത്. ഇതിനൊപ്പം നാഗാഭരണവും പിടികൂടിയിട്ടുണ്ട്. അപൂർവ്വങ്ങളിൽ അപൂർവ്വമായി മാത്രം കാണപ്പെടുന്ന വിഗ്രഹങ്ങൾക്ക് വിപണയിൽ 25 കോടി രൂപയോളം വിലമതിക്കും.
Comments