ലണ്ടൻ: ഇനി കാത്തിരിപ്പില്ല. ഇംഗ്ലീഷ് പ്രീമിയർ ലീഗ് കിരീടം മാഞ്ചസ്റ്റർ നിലനിർത്തി. 38-ാം റൗണ്ട് മത്സരത്തിൽ ആസ്റ്റൺ വില്ലയെ 3-2ന് തോൽപ്പിച്ചതോടെയാണ് പോയിന്റ് നിലയിൽ മുൻപന്മാരായി മാഞ്ചസ്റ്റർ ടീം കിരീടം ഉറപ്പിച്ചത്.
കളിയുടെ ആദ്യ രണ്ടു ഗോളുകളും നേടി ആസ്റ്റൺ വില്ല കനത്ത വെല്ലുവിളിയാണ് സിറ്റിക്ക് മേൽ ഉയർത്തിയത്. 37-ാം മിനിറ്റിൽ മാറ്റി കാഷും 69-ാം മിനിറ്റിൽ ഫിലിപ്പേ ക്യൂട്ടിനോയും ആസ്റ്റണിനായി ഗോളുകൾ നേടി. എന്നാൽ ഇൽകേയുടെ ഇരട്ടഗോളുകളുടെ മികവിലാണ് നിർണ്ണായക ജയം സിറ്റി സ്വന്തമാക്കിയത്. ഇൽകേയുടെ ആദ്യ ഗോൾ 76-ാം മിനിറ്റിലായിരുന്നു. 78-ാം മിനിറ്റിൽ റോഡ്രി സമനില ഗോളും നേടി. 81-ാം മിനിറ്റിൽ ഇൽകേയുടെ വിജയഗോളിലൂടെ സിറ്റി ഇംഗ്ലീഷ് പ്രീമിയർ ലീഗ് ചാമ്പ്യന്മാരായി.
38 മത്സരങ്ങളിൽ നിന്ന് 29 ജയവും 6 സമനിലയും മൂന്ന് തോൽവിയും അടക്കം 93 പോയിന്റുകളാണ് സിറ്റി നേടിയത്. വെറും ഒരു പോയിന്റ് മാത്രം വ്യത്യാസത്തിലാണ് ലിവർപൂൾ രണ്ടാം സ്ഥാനക്കാരായത്. ചെൽസി, ടോട്ടനം, ആഴ്‌സണൽ എന്നീ ടീമുകളാണ് ആദ്യ അഞ്ചു സ്ഥാനത്ത് എത്തിയത്.
