ബംഗളൂരു: ഹൈക്കോടതി വിധി ലംഘിച്ച് ഹിജാബ് ധരിച്ച വിദ്യാർത്ഥിനികളെ ക്ലാസ് മുറികളിൽ പ്രവേശിപ്പിച്ച സംഭവത്തിൽ ശക്തമായ പ്രതിഷേധം. വിദ്യാർത്ഥികൾ ക്യാമ്പസിന് വെളിയിൽ കുത്തിയിരുന്ന് പ്രതിഷേധിച്ചു. മംഗളൂരു കോളേജിലാണ് അദ്ധ്യാപകർ ഹിജാബ് ധരിച്ചെത്തിയ വിദ്യാർത്ഥികളെ ക്ലാസിൽ പ്രവേശിപ്പിച്ചത്.
കഴിഞ്ഞ ദിവസമായിരുന്നു സംഭവം. വിദ്യാഭ്യാസ സ്ഥാപനങ്ങളിൽ ഹിജാബ് ധരിച്ചെത്തുന്നതിന് ഹൈക്കോടതി വിലക്കേർപ്പെടുത്തിയത് അടുത്തിടെയാണ്. ഇത് ലംഘിച്ചാണ് വിദ്യാർത്ഥിനികളെ ക്ലാസിൽ കയറ്റിയത്. ഹൈക്കോടതിയുടെ ഉത്തരവ് കർശനമായി പാലിക്കണമെന്ന് ആവശ്യപ്പെട്ടാണ് വിദ്യാർത്ഥികൾ പ്രതിഷേധവുമായി രംഗത്ത് എത്തിയത്.
ഫെബ്രുവരി 16നാണ് വിദ്യാലയങ്ങളിൽ ഹിജാബിന് നിരോധനം ഏർപ്പെടുത്തിക്കൊണ്ട് കർണാടക ഹൈക്കോടതി ഉത്തരവ് പുറപ്പെടുവിച്ചത്.വിദ്യാഭ്യാസ സ്ഥാപനങ്ങളിൽ യൂണിഫോം അല്ലാതെ മറ്റ് മതവസ്ത്രങ്ങൾ പാടില്ലെന്നാണ് ഹൈക്കോടതി ഉത്തരവ്. നിരവധി വാദപ്രതിവാദങ്ങൾക്ക് ശേഷമായിരുന്നു കോടതിയുടെ അന്തിമ വിധി.
Comments