മുംബൈ : സോഷ്യൽ മീഡിയയിൽ റെക്കോർഡിട്ട് ഇന്ത്യൻ ക്രിക്കറ്റ് താരം വിരാട് കോഹ്ലി. ഇൻസ്റ്റഗ്രാമിൽ 20 കോടി ഫോളോവേഴ്സിനെ സ്വന്തമാക്കുന്ന ആദ്യ ഇന്ത്യക്കാരൻ എന്ന നേട്ടമാണ് മുൻ ഇന്ത്യൻ നായകൻ കൂടിയായ കോഹ്ലി നേടിയത്.
സോഷ്യൽ മീഡിയ പ്ലാറ്റ്ഫോമിലെ ഈ അപൂർവ്വ നേട്ടത്തിന് നന്ദി അറിയിച്ചുകൊണ്ട് കോഹ്ലി ഇൻസ്റ്റാഗ്രാമിലൂടെ നന്ദി രേഖപ്പെടുത്തുന്ന വീഡിയോ പങ്കുവെച്ചു.
കോഹ്ലിക്ക് ഫേസ്ബുക്കിൽ 49 ദശലക്ഷം ഫോളോവേഴ്സും, ട്വിറ്ററിൽ 48 ദശലക്ഷം ഫോളോവേഴ്സുമുണ്ട്. ഇൻസ്റ്റഗ്രാമിൽ ഏറ്റവും കൂടുതൽ ഫോളോവേഴ്സുള്ള ലോകത്തെ മൂന്നാമത്തെ താരവും കോഹ്ലിയാണ്.
പോർച്ചുഗൽ ഫുട്ബോൾ ടീം നായകൻ ക്രിസ്റ്റ്യാനോ റൊണാൾഡോയും അർജൻറീന ഫുട്ബോൾ ടീം നായകൻ ലിയോണൽ മെസിയുമാണ് കോഹ്ലിക്ക് മുന്നിലുള്ളത്. 45 കോടി ഫോളോവേഴ്സാണ് റൊണാൾഡോയ്ക്കുള്ളത്. 33.3 കോടി ഫോളോവേഴ്സ് മെസ്സിക്കുമുണ്ട്.
Comments