തിരുവനന്തപുരം : കൊങ്കൺ വഴിയുള്ള ട്രെയിനുകളുടെ സമയക്രമത്തിൽ മാറ്റം .നാളെ മുതൽ പുതുക്കിയ സമയക്രമം നിലവിൽ വരും .മൺസൂൺ കാലം കണക്കിലെടുത്താണ് നടപടി . ഒക്ടോബർ 31 വരെയാണ് മാറ്റം .കൊങ്കൺ ഭാഗത്ത് നിന്നുള്ള ട്രെയിനുകൾ രണ്ടര മണിക്കൂർ വരെ വൈകും.
110 കിലോമീറ്റർ വേഗത്തിലോടുന്ന ട്രെയിനുകളുടെ വേഗം 75 ലേക്ക് താഴും.കനത്ത മഴ തുടരുന്ന സാഹചര്യമുണ്ടായാൽ വേഗത വീണ്ടും കുറയ്ക്കും
കേരളത്തിൽ നിന്ന് പുറപ്പെടുന്ന ട്രെയിനുകളുടെ പുതുക്കിയ സമയം (ബ്രാക്കറ്റിൽ നിലവിലെ സമയം )
തിരുവനന്തപുരം സെൻട്രൽ -ഹസ്രത്ത് നിസാമുദ്ദീൻ പ്രതിവാര ട്രെയിൻ (22653) വെള്ളിയാഴ്ച രാത്രി 10 ന് തിരുവനന്തപുരത്ത് നിന്ന് പുറപ്പെടും (ശനി പുലർച്ചെ 12.30)
എറണാകുളം ജംഗ്ഷൻ – ഹസ്രത്ത് നിസാമുദ്ദീൻ പ്രതിദിന മംഗള ലക്ഷദ്വീപ് എക്സ്പ്രസ് (12617)എറണാകുളത്ത് നിന്ന് രാവിലെ 10.40 ന് പുറപ്പെടും( ഉച്ചയ്ക്ക് 1.25 )
ചൊവ്വ, വ്യാഴം, വെള്ളി ദിവസങ്ങളിൽ തിരുവനന്തപുരത്തുനിന്നു പുറപ്പെടുന്ന ഹസ്രത്ത് നിസാമുദ്ദീൻ രാജധാനി എക്സ്പ്രസ് (12431) ഉച്ചയ്ക്ക് 2.30നു പുറപ്പെടും (വൈകിട്ട് 7.15)
തിങ്കൾ, ചൊവ്വ ദിവസങ്ങളിൽ തിരുനെൽവേലിയിൽനിന്നു ജാംനഗറിലേക്കുള്ള (19577) ട്രെയിൻ രാവിലെ 5.15നു പുറപ്പെടും (രാവിലെ 8.00)
എറണാകുളം – അജ്മേർ പ്രതിവാര മരുസാഗർ എക്സ്പ്രസ് (12977) ഞായർ വൈകിട്ട് 6.50ന് എറണാകുളത്തുനിന്നു പുറപ്പെടും ( രാത്രി 9.25 )
വ്യാഴം, ഞായർ ദിവസങ്ങളിൽ കൊച്ചുവേളിയിൽനിന്നുള്ള ലോകമാന്യതിലക് ഗരീബ് രഥ് എക്സ്പ്രസ് രാവിലെ 7.45നു പുറപ്പെടും (രാവിലെ 8.45 )
വെള്ളിയാഴ്ചകളിൽ കൊച്ചുവേളിയിൽനിന്നു ഋഷികേശിലേക്കുള്ള ട്രെയിൻ (22659 ) രാവിലെ 4.50നു പുറപ്പെടും (രാവിലെ 9.10 )
തിരുവനന്തപുരം – മുംബൈ ലോകമാന്യ തിലക് നേത്രാവതി എക്സ്പ്രസ് തിരുവനന്തപുരത്തുനിന്നു പുറപ്പെടുന്ന സമയത്തിൽ മാറ്റമില്ല. രാവിലെ 9.15നുതന്നെ പുറപ്പെടും.
Comments