കൊച്ചി : മുഖ്യമന്ത്രി പിണറായി വിജയന്റെയും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെയും വിദേശ ഫണ്ടുകളെ സംബന്ധിച്ച വിവരങ്ങൾ പുറത്തുവിട്ട് സ്വപ്ന സുരേഷ്. പിണറായിയുടെയും കോടിയേരിയുടെയും ഫണ്ടുകൾ വിദേശത്തേക്ക് പോകുന്നത് ബിലീവേഴ്സ് ചർച്ച് വഴിയാണെന്ന് സ്വപ്ന വെളിപ്പെടുത്തി. അത് കാരണമാണ് അവരുടെ എഫ്സിആർഎ ക്യാൻസൽ ആയത്. താൻ നികേഷ് കുമാറിനെ അപമാനിക്കാൻ ശ്രമിച്ചിട്ടില്ലെന്നും സ്വപ്ന പറഞ്ഞു.
ഷാജ് കിരൺ മുഖ്യമന്ത്രി പിണറായി വിജയന്റെ ബിനാമിയാണെന്ന് സ്വപ്ന സുരേഷ് വെളിപ്പെടുത്തി. കോടിയേരിയുടെയും പിണറായിയുടെയും ഫണ്ടുകൾ പോകുന്നത് ബിലീവേഴ്സ് ചർച്ച് വഴി യുഎസിലേക്കാണ്. ഷാജ് കിരൺ അതിന്റെയും മറ്റ് നിരവധി കമ്പനികളുടേയും ഡയറക്ടറാണ്. ബ്രോക്കറായിരുന്ന ഷാജ് കിരൺ എങ്ങനെ ഇത്രയുംകമ്പനികളുടെ ഡയറക്ടറായി എന്ന് ഇതിലൂടെ വ്യക്തമാണ്. ബിലീവേഴ്സ് ചർച്ചിന്റെ ആളാണ് ഷാജ് കിരൺ എന്നും സ്വപ്ന പറഞ്ഞു.
ഷാജ് കിരൺ ഡയറക്ടറായിരിക്കുന്ന കമ്പനികളുടെ വിശദ വിവരങ്ങളും സ്വപ്ന മാദ്ധ്യമപ്രവർത്തകർക്ക് മുന്നിൽ വെളിപ്പെടുത്തി. അയാൾ ബിനാമിയാണെന്നും ഫണ്ടുകൾ വിദേശരാജ്യങ്ങളിലേക്കാണ് പോകുന്നത് എന്നും രേഖകളിൽ നിന്നും വ്യക്തമാണെന്നും സ്വപ്ന പറഞ്ഞു. തന്നെ കേസിൽ നിന്നും രക്ഷപ്പെടുത്താമെന്ന് ഷാജ് കിരൺ പറഞ്ഞുവെന്നും അതിനാലാണ് താൻ എല്ലാവരെയും തള്ളിപ്പറഞ്ഞത് എന്നും സ്വപ്ന വെളിപ്പെടുത്തി.
Comments