മുംബൈ: അയർലൻഡിനെതിരായ ട്വന്റി 20 പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. മലയാളി താരം സഞ്ജു സാംസൺ വീണ്ടും ടീമിലെത്തി. ഐപിഎല്ലിൽ തകർപ്പൻ പ്രകടനത്തോടെ ഗുജറാത്ത് ടൈറ്റൻസിനെ കിരീടത്തിലേക്ക് നയിച്ച ഹർദ്ദിക് പാണ്ഡ്യയാണ് ക്യാപ്ടൻ.
ഐപിഎല്ലിൽ മികച്ച പ്രകടനം നടത്തിയ രാഹുൽ ത്രിപാഠി ടീമിൽ ഇടം നേടി. സൂര്യകുമാർ യാദവിനെയും ടീമിൽ ഉൾപ്പെടുത്തി. ഭുവനേശ്വർ കുമാർ ആണ് വൈസ് ക്യാപ്ടൻ. രണ്ട് ട്വന്റി 20 മത്സരങ്ങളാണ് അയർലൻഡിൽ ഇന്ത്യ കളിക്കുക. ദക്ഷിണാഫ്രിക്കക്കെതിരായ ടീമിൽ കളിക്കുന്ന ഉമ്രാൻ മാലിക്കും അർഷ്ദീപ് സിംഗും ദിനേശ് കാർത്തിക്കും വെങ്കിടേഷ് അയ്യരും ടീമിലെ സ്ഥാനം നിലനിർത്തി. ഋഷഭ് പന്തിന് വിശ്രമം അനുവദിച്ചു.
ഇന്ത്യൻ ടീം: ഹർദ്ദിക് പാണ്ഡ്യ (ക്യാപ്ടൻ), ഭുവനേശ്വർ കുമാർ (വൈസ് ക്യാപ്ടൻ), ഇഷാൻ കിഷൻ, റുതുരാജ് ഗെയ്ക്വാദ്, സഞ്ജു സാംസൺ, സൂര്യകുമാർ യാദവ്, വെങ്കിടേഷ് അയ്യർ, ദീപക് ഹൂഡ, രാഹുൽ ത്രിപാഠി, ദിനേശ് കാർത്തിക്, യുസ്വേന്ദ്ര ചാഹൽ, അക്ഷർ പട്ടേൽ, രവി ബിഷ്ണോയ്, ഹർഷൽ പട്ടേൽ, ആവേശ് ഖാൻ, അർഷ്ദീപ് സിംഗ്, ഉമ്രാൻ മാലിക്
