പാലക്കാട്: ഒറ്റപ്പാലം നഗരത്തിൽ കോൺഗ്രസ് നടത്തിയ പ്രകടനത്തിനിടെ പോലീസും പ്രവർത്തകരും തമ്മിൽ കയ്യാങ്കളി. സംഘർഷത്തിനിടെ പ്രൊബേഷണറി എസ്ഐ ഷൈജുവിന് പരിക്കേറ്റു.
ഡിവൈഎഫ്ഐയുടെ കൊടിമരവും ഫ്ളക്സുകളും തകർക്കാനുള്ള കോൺഗ്രസ് പ്രവർത്തകരുടെ ശ്രമം തടഞ്ഞതോടെയാണ് പോലീസുമായി സംഘർഷമുണ്ടായത്. പരിക്കേറ്റ ഷൈജുവിനെ താലൂക്കാശുപത്രിയിൽ പ്രവേശിപ്പിച്ചു.
വിമാനത്തിൽ മുഖ്യമന്ത്രിക്കെതിരെ മുദ്രാവാക്യം വിളിച്ച സംഭവത്തിന് പിന്നാലെ സംസ്ഥാന വ്യാപകമായാണ് പ്രതിഷേധങ്ങൾ നടക്കുന്നത്. യൂത്ത് കോൺഗ്രസ് പ്രവർത്തകർ വിമാനത്തിനുള്ളിൽ നടത്തിയ പ്രതിഷേധത്തിന്റെ ദൃശ്യങ്ങൾ പുറത്തുവന്നതോടെ കെപിസിസി ആസ്ഥാനത്ത് ഉൾപ്പെടെ സിപിഎം പ്രവർത്തകർ ആക്രമണം അഴിച്ചുവിട്ടു. നിലവിൽ മുഖ്യമന്ത്രിയെ വധിക്കാൻ ശ്രമിച്ചുവെന്ന കേസാണ് യൂത്ത് കോൺഗ്രസ് പ്രവർത്തകർക്കെതിരെ ചുമത്തിയിരിക്കുന്നത്. അന്വേഷണം പുരോഗമിക്കുകയാണ്.
