മുംബൈ: ടാറ്റ ഗ്രൂപ്പിന്റെ നേതൃത്വത്തിൻ കീഴിൽ അടിമുടി മാറ്റത്തിനൊരുങ്ങി എയർ ഇന്ത്യ. അടുത്ത അഞ്ച് വർഷങ്ങൾക്കുള്ളിൽ പുതിയതായി 200 വിമാനങ്ങൾ വാങ്ങി സർവീസ് ആരംഭിക്കാനാണ് കമ്പനിയുടെ നീക്കം. എയർ ബസ്, ബോയിംഗ് വിമാനങ്ങളാണ് എയർ ഇന്ത്യ പുതിയതായി വാങ്ങുന്നത്.
എയർ ബസിന്റെ എ350 വിമാനങ്ങളാണ് എയർ ഇന്ത്യ വാങ്ങാൻ പോകുന്നത്. മികച്ച ഇന്ധന ക്ഷമതയുള്ള എ350 വാങ്ങുന്ന ആദ്യ ഇന്ത്യൻ കമ്പനിയാകാൻ ഒരുങ്ങുകയാണ് എയർ ഇന്ത്യ. എ350 വിമാനങ്ങൾ പറത്താൻ താത്പര്യമുള്ളവർ പരിശീലനത്തിന് തയ്യാറാകണമെന്ന് കാട്ടി എയർ ഇന്ത്യ പൈലറ്റുമാർക്ക് കത്ത് നൽകിയതായി ദേശീയ മാദ്ധ്യമം റിപ്പോർട്ട് ചെയ്തു.
കഴിഞ്ഞ ഒക്ടോബറിലാണ് മത്സര ലേലത്തിലൂടെ സർക്കാരിൽ നിന്നും എയർ ഇന്ത്യ, ടാറ്റ ഏറ്റെടുത്തത്. അടിസ്ഥാന സൗകര്യ വികസനം ഉൾപ്പെടെ വലിയ മാറ്റങ്ങൾക്കാണ് എയർ ഇന്ത്യ തയ്യാറാകുന്നത് എന്നാണ് റിപ്പോർട്ട്.
Comments