ലക്നൗ: അധികാരകാലാവധി അവസാനിക്കുന്നതിന് മുന്പ് ഉത്തര്പ്രദേശിലെ ബാങ്കെ ബിഹാരി ക്ഷേത്രദര്ശനം നടത്തുമെന്ന് അറിയിച്ച് രാഷ്ട്രപതി. ജൂലൈയിലാണ് രാഷ്ട്രപതി കാലാവധി അവസാനിക്കുന്നത്. ദര്ശനവേളയില് ഭാര്യ സവിത കോവിന്ദും അനുഗമിക്കും. ഉത്തര്പ്രദേശ് ഗവര്ണര് ആനന്ദിബെന് പട്ടേലും മുഖ്യമന്ത്രി യോഗി ആദിത്യനാഥും അദേഹത്തെ മഥുരയില് സ്വീകരിക്കും.
രാഷ്ട്രപതിയുടെ സന്ദര്ശനത്തിന് മുന്നോടിയായുള്ള ഒരുക്കങ്ങള് മഥുരയിലും വൃന്ദാവനിലും ആരംഭിച്ചു. സന്ദര്ശനത്തില് അപ്രിയമായി ഒന്നും സംഭവിക്കരുതെന്നും ആവശ്യമായ മുന്കരുതലുകള് ഉറപ്പുവരുത്താനും ആഗ്ര പോലീസ് നിര്ദേശം നല്കിയിട്ടുണ്ട്.
രാഷ്ട്രപതി സന്ദര്ശിക്കുന്ന സ്ഥലങ്ങളില് മഥുര ജില്ല മജിസ്ട്രേറ്റ് നവനീത് സിംഗ് ചാഹല് വിലയിരുത്തി. സന്ദര്ശനവുമായി ബന്ധപ്പെട്ട് കൃത്യമായ വിവരങ്ങള് ലഭിച്ചിട്ടില്ലെങ്കിലും സുരക്ഷ നടപടികളുടെ പ്രാരംഭ പരിപാടികള് ആരംഭിച്ചതായി അദ്ദേഹം അറിയിച്ചു. ആഗ്ര അഡീഷണല് ഡയറക്ടര് ജനറല് രാജീവ് കൃഷ്ണയ്ക്കാണ് സുരക്ഷ ചുമതല.
