ഇന്ത്യന് ക്രിക്കറ്റ് ടീമിലെ സീനിയര് താരങ്ങളായ വിരാട് കോഹ്ലിക്കും രോഹിത് ശര്മ്മയ്ക്കുമെതിരെ രൂക്ഷ വിമര്ശനമാണ് മുന് ഇന്ത്യന് നായകന് കപില് ദേവ് ഉയര്ത്തുന്നത്. കഴിഞ്ഞ കുറച്ച് നാളുകളായി ഇന്ത്യന് ടീമിലെ നായകന്മാരുടെ പ്രകടനം അത്ര തൃപ്തികരമല്ല. റണ് മെഷീന് എന്ന് ആരാധകര് വിശേഷിപ്പിച്ച കോഹ്ലിയുടെ മോശം പ്രകടനമാണ് കൂടുതല് വിമര്ശനത്തിന് ഇരായായത്. എന്നാല് കോഹ്ലിക്കൊപ്പം നായകന് രോഹിത് ശര്മ്മയ്ക്കെതിരെയും വിമര്ശനം ഉന്നയിച്ചിരിക്കുകയാണ് കപില് ദേവ്.
കഴിഞ്ഞ ഐപിഎല് സീസണില് ഒരു അര്ധശതകം പോലും നേടാന് രോഹിത്തിനായില്ല. എന്താണ് നിങ്ങള്ക്ക് സംഭവിക്കുന്നത്. നിങ്ങള് എത്ര വലിയ താരമായാലും ഈ ചോദ്യങ്ങള് ഉയരുക തന്നെ ചെയ്യും. അത് സാക്ഷാല് ബ്രാഡ്മാനോ, സോബേഴ്സോ, സച്ചിനോ, ഗവാസ്കറോ ആരായാലും മറുപടി ആവശ്യമാണ്. വിരാട് കോഹ്ലിയും രോഹിത് ശര്മ്മയും അസാമാന്യ പ്രതിഭയുളള താരങ്ങളാണെന്നതില് സംശയമില്ല. എന്നാല് മോശം പ്രകടനത്തെ മറികടക്കാന് ഇനിയും എത്ര നാള് കാത്തിരിക്കണം.
മോശം പ്രകടനം തുടരുമ്പോഴും ദക്ഷിണാഫ്രിക്കക്കെതിരായ പരമ്പരയില് രോഹിത്തിന് വിശ്രമം കൊടുത്തത് എന്തിനാണെന്ന് മനസിലാകുന്നില്ല. രോഹിത്തും കോഹ്ലിയുമെല്ലാം അവരുടെ ചിന്താഗതി മാറ്റേണ്ടിയിരിക്കുന്നു. ഫോമിലേക്ക് തിരിച്ചത്തണമെങ്കില് കൂടുതല് മത്സരങ്ങളില് കളിക്കണം. അല്ലാതെ വലിയ താരമാണെന്ന് പറഞ്ഞിരുന്നിട്ട് കാര്യമില്ല. അങ്ങനെ ചിന്തിച്ചാല് ഫോമിലേക്ക് തിരിച്ചെത്താനുള്ള അവസരങ്ങള് കുറയുകയാണ് ചെയ്യുക. മത്സരങ്ങളുടെ ആധിക്യമോ, അല്ലെങ്കില് മത്സരങ്ങളുടെ കുറവോ ആകാം ഇന്ത്യന് സൂപ്പര് താരങ്ങളെ ബാധിക്കുന്നതെന്നും കപില് ദേവ് ടോക്ക്ഷോയില് തുറന്നടിച്ചു.
