ഡബ്ലിൻ: അയർലാന്റിനെതിരെ ടി20 പരമ്പര നേടാൻ ഇന്ത്യ ഇന്നിറങ്ങുന്നു. ആദ്യ ടി20 ഏഴു വിക്കറ്റിന് ജയിച്ച ടീം ഇന്ത്യ രണ്ടാം മത്സരത്തിന് ഡബ്ലിനിലാണ് ഇറങ്ങുന്നത. മലയാളി താരം സഞ്ജു സാംസണിനെ രണ്ടാം മത്സരത്തിൽ ടീമിൽ ഉൾപ്പെടുത്തുമോ എന്നതാണ് ആരാധകർ ഉറ്റുനോക്കുന്നത്.
അയർലാന്റിനെതിരെ ഇതുവരെ കളിച്ച നാല് മത്സരങ്ങളിലും ഇന്ത്യയാണ് വിജയിച്ചത്. ഈ സീസണിൽ വിവിധ ടീമുകൾക്കെതിരെ കളിച്ച 9 മത്സരങ്ങളിൽ 5 ജയവും 4 തോൽവിയുമാണ് അയർലാന്റ് ഏറ്റുവാങ്ങിയത്.
ആദ്യ ടി20യിൽ ഇന്ത്യയ്ക്കായിരുന്നു ജയം. മഴ വില്ലനായെങ്കിലും 12 ഓവറായി ചുരുക്കിയ മത്സരത്തിൽ ഇരുടീമുകളും മികച്ച പോരാട്ടമാണ് കാഴ്ചവെച്ചത്. അയർലാന്റിനായി ഹാരീ ടെക്ടറുടെ(64)മികച്ച ബാറ്റിംഗിൽ നാല് വിക്കറ്റിന് 108 റൺസ് അടിച്ചെടുത്തു. എന്നാൽ നായകൻ ഹാർദ്ദിക് പാണ്ഡ്യയും(24)ഓപ്പണർ ദീപക് ഹൂഡയും(47)ഇഷാൻ കിഷനു(26)മാണ് 9.2 ഓവറിൽ ലക്ഷ്യം മറികടന്നു.
Comments