റായ്പൂർ: പ്രവാചക പരാമർശം നൂപുർ ശർമ്മയെ പിന്തുണച്ച യുവാവിന് ഇസ്ലാമിക തീവ്രവാദികളുടെ വധഭീഷണി. 22 കാരനായ രാജ ജഗതിന് നേരെയാണ് ഇസ്ലാമിക തീവ്രവാദികൾ ഭീഷണി മുഴക്കിയത്. സംഭവത്തിൽ ജഗതിന്റെ പരാതിയിൽ പോലീസ് കേസ് എടുത്തു.
ഇൻസ്റ്റഗ്രാമിൽ ആയിരുന്നു ജഗത് നൂപുർ ശർമ്മയ്ക്ക് പിന്തുണ പ്രഖ്യാപിച്ചത്. പ്രവാചകനെ വിമർശിച്ചുള്ള നൂപുർ ശർമ്മയുടെ പരാമർശങ്ങൾ ഇൻസ്റ്റഗ്രാമിൽ പങ്കുവെച്ച ജഗത് ബിജെപി മുൻ വക്താവിന് പൂർണ പിന്തുണ നൽകുന്നുവെന്നും കുറിച്ചു. ജൂൺ 12 നായിരുന്നു നുപൂർ ശർമ്മയെ പിന്തുണച്ച് ഇൻസ്റ്റഗ്രാമിൽ പോസ്റ്റിട്ടത് എന്നാണ് ജഗത് പറയുന്നത്. ഇതിന് പിന്നാലെ നിരവധി നമ്പറുകളിൽ നിന്നായി ഭീഷണി സന്ദേശം തന്റെ ഫോണിലേക്ക് എത്തുന്നതായും ജഗത് പരാതിയിൽ വ്യക്തമാക്കുന്നു.
ഭീഷണികൾ വർദ്ധിച്ചതോടെയാണ് ജഗത് പരാതിയുമായി പോലീസിനെ സമീപിച്ചത്. ഭീഷണിയെ തുടർന്ന് യുവാവ് മൊബൈൽ ഫോൺ സ്വിച്ച് ഓഫ് ചെയ്തിരിക്കുകയാണ്. റായ്പൂരിലെ ലാൽഗംഗ കോംപ്ലക്സിലെ ജീവനക്കാരനാണ് ജഗത്. ഭീഷണിയെ തുടർന്ന് ജോലിയ്ക്ക് പോകാൻ പോലും സാധിക്കുന്നില്ലെന്നും ജഗത് പറഞ്ഞു.
കുമ്ഹാരി പോലീസിലാണ് ജഗത് പരാതി നൽകിയിരിക്കുന്നത്. പരാതിയുടെ അടിസ്ഥാനത്തിൽ ഊർജ്ജിത അന്വേഷണം ആരംഭിച്ചതായി പോലീസ് അറിയിച്ചു.
Comments