സ്മാർട്ട്ഫോൺ ലോകം ഏറെ പ്രതീക്ഷയോടെ കാത്തുകാത്തിരുന്ന നത്തിങ് ഫോണ് (1) ( Nothing Phone (1) ഇന്ത്യയിലെത്തിയിട്ട് കുറച്ച് ദിവങ്ങളായി.ലോക പ്രശസ്ത മൊബൈൽ ബ്രാൻഡായ വൺ പ്ലസിന്റെ സ്ഥാപകരിൽ ഒരാളായ കാൾ പീയുടെ നേതൃത്വത്തിലുള്ള പുതിയ ബ്രാൻഡായ Nothing Phone (1) ആദ്യ സ്മാർട്ട്ഫോൺ ആണ് നത്തിങ് ഫോണ് (1) . 2013-ലാണ് കാൾ പീ, പീറ്റ് ലുവിനൊപ്പം OnePlus ബ്രാൻഡ് ആരംഭിച്ചത്. 2020-ൽ വൺ പ്ലസിൽനിന്ന് പടിയിറങ്ങിയ കാൾ പീ Nothing എന്ന പുതിയ ബ്രാൻഡിന് തുടക്കമിടുകയായിരുന്നു. ഇവരുടെ ആദ്യത്തെ ഉൽപ്പന്നം Nothing Ear (1) earbuds നേരത്തെ പുറത്തിറക്കിയിരുന്നു.
വ്യത്യസ്തമായ ഡിസൈന് അടക്കം പല കാര്യങ്ങളും ഈ ഫോണിനെക്കുറിച്ച് ആളുകൾക്കിടയിൽ വലിയ രീതിയിലുള്ള ചർച്ചകൾക്ക് വഴിവെച്ചിരുന്നു . നത്തിങ് ഫോണ് (1) പ്രവര്ത്തിക്കുന്നത് സ്നാപ്ഡ്രാഗണ് 778ജി പ്ലസ് പ്രോസസറിലാണ്. ഇരട്ട 50 എംപി ക്യാമറകളും ഉണ്ട്. രണ്ടു (ബ്ലാക്ക് – വൈറ്റ് )നിറങ്ങളിലാണ് ഫോണ് ഇറക്കിയിരിക്കുന്നത് . ഇവയുടെ പിന്നില് ഗ്ലിഫ് എന്ന് വിളിക്കുന്ന എല്ഇഡി ലൈറ്റ് ശ്രേണിയുണ്ട്. ഇതാണ് മറ്റു ഫോണുകളില് നിന്ന് നത്തിങ് ഫോണിനെ വേറിട്ടതാക്കുന്ന പ്രധാന ഘടകം.194 ഗ്രാമാണ് ഈ ഫോണിന്റെ ഭാരം.
ഇരട്ട സ്റ്റീരിയോ സ്പീക്കര്, ഡിസ്പ്ലേയില് തന്നെ പിടിപ്പിച്ച ഫിംഗര്പ്രിന്റ് സ്കാനര്, ഐപി53 വാട്ടര് റെസിസ്റ്റന്സ് എന്എഫ്സി സപ്പോര്ട്ട് തുടങ്ങി പല ഫീച്ചറുകളും ഉണ്ട്. അതേസമയം, ഫോണിന്റെ പിന്നിലുള്ള ഒന്നിലേറെ വൈറ്റ് എല്ഇഡി സ്ട്രിപ്പുകളാണ് ഫോണിനെ വേറിട്ടതാക്കി മാറ്റുന്നു.402 പിപിഐയിൽ 2400×1080 പിക്സൽ റെസല്യൂഷനോട് കൂടിയ 6.55 ഇഞ്ച് ഫ്ലെക്സിബിൾ ഒഎൽഇഡി ഡിസ്പ്ലേയാണ് നത്തിങ് ഫോണിനുള്ളത്. 60Hz – 120Hz അഡാപ്റ്റീവ് പുതുക്കൽ നിരക്കിനൊപ്പം HDR10+ പിന്തുണയും ഉണ്ട്. ഇതിന് ഗൊറിലാ ഗ്ലാസ് സംരക്ഷണവും ഉണ്ട്. ബ്രൈറ്റ്നസ് പരമാവധി 1200 നിറ്റ്സ് വരെ കിട്ടും. കൂടാതെ, 120ഹെട്സ് റിഫ്രഷ് അനുപാതവും 240 ടച് സാംപ്ളിങ് അനുപാതവും ഉണ്ട്.
ക്യാമറയെ കുറിച്ച് പറയുകയാണെങ്കിൽ, സോണിയുടെ 50 എംപി സെന്സറാണ് (ഐഎംഎക്സ്766) ആണ് പ്രധാന ക്യാമറ. ഇതിന് ഒപ്ടിക്കല് ഇമേജ് സറ്റബിലൈസേഷനും ഇലക്ട്രോണിക് ഇമേജ് സ്റ്റബിലൈസേഷനും ഉണ്ട്. ഒപ്പമുള്ള അള്ട്രാവൈഡ് ക്യാമറയ്ക്കും 50 എംപി റെസലൂഷനാണ് ഉള്ളത്. ഇതിന് പ്രയോജനപ്പെടുത്തിയിരിക്കുന്നത് സാംസങ്ങിന്റെ ജെഎന്1 50എംപി സെന്സറാണ്. ഇതിന് ഇലക്ട്രോണിക് ഇമേജ് സ്റ്റബിലൈസേഷന് മാത്രമാണ് ഉള്ളത്. സെല്ഫി ക്യാമറയ്ക്ക് 16 എംപി സോണി സെന്സറാണ് ഉപയോഗിച്ചിരിക്കുന്നത്. ക്യാമറാ ഫീച്ചറുകള് എച്ഡിആര്, പോര്ട്രെയ്റ്റ് മോഡ്, മാക്രോ മോഡ് (അള്ട്രാവൈഡ്), ബോ-കെ തുടങ്ങിയവയൊക്കെയാണ്.f/1.88 അപ്പേർച്ചർ, OIS, EIS ഇമേജ് സ്റ്റെബിലൈസേഷൻ, HDR, Slo-Mo (120 fps) സഹിതം 50 MP അൾട്രാ വൈഡ് ഇരട്ട ക്യാമറ സജ്ജീകരണമുണ്ട്. f/2.2 അപ്പേർച്ചർ ഉള്ള JN1 സെൻസർ, EIS ഇമേജ് സ്റ്റെബിലൈസേഷൻ, മാക്രോ (4 സെ.മീ), HDR. മുൻവശത്ത്, f/2.45 അപ്പർച്ചറുള്ള 16 എംപി സോണി IMX471 സെൻസറും 30 fps-ൽ 1080p , 4K 30pയും 1080p 60pയും . മുന്വശത്തെ ക്യാമറയ്ക്ക് 1080p മാത്രമെ വീഡിയോ റെക്കോർഡിങ് ലഭ്യമാകു.
12 ജിബി വരെ റാം ലഭിക്കും. ഇതിന് എല്പിഡിഡിആര്5 മൊഡ്യൂളാണ് ഉപയോഗിച്ചിരിക്കുന്നത്. 4,500 എംഎഎച് ആണ് ബാറ്ററി. ഫാസ്റ്റ് ചാർജിങ് സപ്പോര്ട്ട് 33w ആണ്. വയര്ലെസ് ചാര്ജിങ് സപ്പോര്ട്ടും ഉണ്ട്. എന്നാൽ ഫോണിനൊപ്പം ചാര്ജര് നല്കുന്നില്ല.ഫെയ്സ് അണ്ലോക് ഈ ഫോണിൽ നൽകിയിട്ടുണ്ട് . 5ജി ബാന്ഡുകളുടെ എണ്ണം 12 ആണ്. ബ്ലൂടൂത്ത് 5.2, വൈഫൈ 6 തുടങ്ങിയവയും മൂന്ന് മൈക്രോഫോണുകളും ആന്ഡ്രോയിഡ് 12 കേന്ദ്രീകൃതമായ നത്തിങ് ഒഎസും ഉള്ള ഹാന്ഡ്സെറ്റാണിത്.
പ്രത്യേകമായി തയ്യാറാക്കിയ ലൈറ്റിംഗ് സംവിധാനത്തോടുകൂടിയുള്ള രൂപകല്പന ഈ ഫോണിനെ വ്യത്യസ്തമാക്കുന്നു. ഫോണ് കോളുകള് വരുമ്പോള്, നോട്ടിഫിക്കേഷന് വരുമ്പോള്, ചാര്ജ് ചെയ്യുമ്പോള് എല്ലാം പിറകിലെ ലൈറ്റുകള് പ്രത്യേക രീതിയില് തെളിയും. നത്തിങ് ഫോണ് (1) മോഡലിന്റെ 8ജിബി/256ജിബി വേര്ഷന് വിലയിട്ടിരിക്കുന്നത് 29,999 രൂപയാണ്. കൂടാതെ, 8ജിബി/128ജിബി വേരിയന്റിന് 32,999 രൂപ, 12ജിബി/256ജിബി വേരിയന്റിന് 35,999 രൂപ എന്നിങ്ങനെയാണ് വില.
