ക്വെറ്റ: പാകിസ്താനിലെ ഭീകരവിരുദ്ധ സേന ഉദ്യോഗസ്ഥൻ ഭീകരാക്രമണത്തിൽ കൊല്ലപ്പെട്ടു. ബലൂചിസ്താനിലെ ഖാരനിലായിരുന്നു സംഭവം. ജോലി കഴിഞ്ഞ് നൗറോസാബാദിലെ വീട്ടിലേക്ക് മടങ്ങുകയായിരുന്ന ഉദ്യോഗസ്ഥനെ പിന്തുടർന്നെത്തിയ അക്രമികൾ വെടിവെച്ച് വീഴ്ത്തുകയായിരുന്നു.
വെടിയേറ്റ് വീണ ഉദ്യോഗസ്ഥനെ ഉടൻ ആശുപത്രിയിൽ എത്തിച്ചെങ്കിലും മരണത്തിന് കീഴടങ്ങുകയായിരുന്നു. ഈദ് മുഹമ്മദ് എന്നാണ് കൊല്ലപ്പെട്ട ഉദ്യോഗസ്ഥന്റെ പേരെന്ന് ഡോൺ പത്രം റിപ്പോർട്ട് ചെയ്യുന്നു.
വെടിവെച്ച ശേഷം അക്രമികൾ കടന്നു കളഞ്ഞതായി പോലീസ് പറയുന്നു. സംഭവം ഭീകരാക്രമണമാണ് എന്നാണ് പ്രാഥമിക നിഗമനം. സംഭവത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല. ഈദ് മുഹമ്മദിന്റെ മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകി.
Comments