ന്യൂഡൽഹി : ഇന്ത്യയുടെ പതിനഞ്ചാമത് പ്രസിഡന്റായി തിരഞ്ഞെടുക്കപ്പെട്ട ദ്രൗപദി മുർമുവിന് അഭിനന്ദിച്ച് ഡയറി ബ്രാൻഡായ അമുൽ . സമൂഹമാദ്ധ്യമങ്ങളായ ട്വീറ്റർ, ഇൻസ്റ്റാഗ്രാം എന്നിവയിലൂടെയാണ് അമുൽ മുർമിവിനെ സ്വാഗതം ചെയ്തതും ആശംസ അറിയിച്ചതും.
കൈകൾ കൊർത്ത് രാഷ്ട്രപതി ഭവന് മുന്നിൽ നിൽക്കുന്ന മുർമുവിന്റെ ചിത്രം പങ്കുവെച്ച് കൊണ്ടായിരുന്നു ഇത്.’സ്വാഗതം, പ്രസിഡന്റ് മാഡം!’ എന്നായിരുന്നു ചിത്രത്തിന്റെ അടിക്കുറിപ്പ്. ഇതിന് പുറമെ മുർമു ഇന്ത്യയുടെ മാതാവ് എന്ന് അർത്ഥം വരുന്ന ‘മുർമുതർ ഇന്ത്യ’ എന്ന വാക്കുകളും ചിത്രത്തിൽ ഉൾപ്പെടുത്തിയിരുന്നു.
മുമ്പും ദ്രൗപദിയുടെ ചിത്രങ്ങൾ അമുൽ സമൂഹമാദ്ധ്യമങ്ങളിൽ പങ്കുവെച്ചിരുന്നു. ദേശീയ ജനാധിപത്യ സഖ്യത്തിന്റെ പ്രസിഡന്റ് തിരഞ്ഞെടുപ്പിനുള്ള സ്ഥാനാർത്ഥിയായി ദ്രൗപദി മുർമുവിനെ പ്രഖ്യാപിച്ചപ്പോൾ ആയിരുന്നു ഇത്. അമുൽ ബ്രാൻഡിലെ പെൺകുട്ടിയും ദ്രൗപദി മുർമുവും ഒരു കസേരയിൽ ഇരിക്കുന്നതും ആഴത്തിലുള്ള സംഭാഷണങ്ങൾ നടത്തുന്നതും ആയിരുന്നു ഈ ചിത്രം . ഒപ്പം ഇവർക്കരികിൽ ചിത്രത്തിൽ നിറയെ പുസ്തകങ്ങളെയും കണാൻ കഴിയുന്നതാണ്.’ദ്രൗപദി മുർമു, ഇന്ത്യയുടെ ആദ്യ വനവാസി രാഷ്ട്രപതിയാകാം’ എന്ന അടിക്കുറിപ്പോടെയായിരുന്നു ചിത്രം അമുൽ പങ്കുവെച്ചത്.
ഇന്ത്യയുടെ പതിനഞ്ചാമത് രാഷ്ട്രപതിയായി ആണ് ദ്രൗപദി മുർമു കഴിഞ്ഞ ദിവസം തിരഞ്ഞെടുക്കപ്പെട്ടത്. പ്രതീക്ഷിച്ചതിലും കൂടുതൽ വോട്ട് നേടിയാണ് മുർമു വിജയം കൈവരിച്ചത്. അതേസമയം രാഷ്ട്രപതി തിരഞ്ഞെടുപ്പിൽ വിപ്പ് ഇല്ലാത്തതിനാൽ പ്രതിപക്ഷ വോട്ടിൽ ചോർച്ചയും ഉണ്ടായിരുന്നു. കോൺഗ്രസിൽ നിന്നാണ് കൂടുതൽ വോട്ടുചോർച്ച. 17 എംപിമാരും 104 എംഎൽഎമാരും പക്ഷംമാറി വോട്ടുചെയ്തു. കേരളത്തിൽ നിന്ന് ഒര് വേട്ടാണ് മുർമുവിന് ലഭിച്ചത്.
