കോഴിക്കോട് / കൊല്ലം: അഗ്നിപഥ് റിക്രൂട്ട്മെന്റ് റാലി കോഴിക്കോടും കൊല്ലത്തും നടക്കും. ഒക്ടോബർ ഒന്ന് മുതൽ 20 വരെയാണ് കോഴിക്കോട് റിക്രൂട്ട്മെന്റ് നടക്കുക. കൊല്ലത്ത് നവംബർ 15 മുതൽ 30 വരെയാണ് നടക്കുക.
കൊല്ലത്ത് ഓൺലൈൻ രജിസ്‌ട്രേഷൻ ഓഗസ്റ്റ് ഒന്നിന് ആരംഭിക്കും. കേരളത്തിലെ ഏഴ് തെക്കൻ ജില്ലകളിലെ സന്നദ്ധരായ പുരുഷ ഉദ്യോഗാർത്ഥികൾക്കായി ബാംഗ്ലൂർ റിക്രൂട്ടിംഗ് സോണിന്റെ നേതൃത്വത്തിൽ തിരുവനന്തപുരത്തെ ആർമി റിക്രൂട്ടിംഗ് ഓഫീസാണ് റാലി സംഘടിപ്പിക്കുന്നത്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നീ ജില്ലകളിൽ നിന്നുള്ള യുവാക്കൾക്ക് ഈ റാലിയിൽ പങ്കെടുക്കാം. നവംബർ 15 മുതൽ 30 വരെ കൊല്ലത്തെ ലാൽ ബഹദൂർ ശാസ്ത്രി സ്റ്റേഡിയത്തിലാകും അഗ്നിപഥ് റിക്രൂട്ട്മെന്റ് റാലി നടത്തുക.
ഒക്ടോബർ ഒന്ന് മുതൽ 20 വരെ കോഴിക്കോട് ഈസ്റ്റ് ഹിൽ ഗവ. ഫിസിക്കൽ എഡ്യുക്കേഷൻ കോളജിലാണ് റിക്രൂട്ട്മെന്റ് റാലി നടക്കുക. ആഗസ്റ്റ് ഒന്ന് മുതൽ 30 വരെ ഓൺലൈനായി അപേക്ഷ സമർപ്പിക്കണം. കോഴിക്കോട് റിക്രൂട്ട്‌മെന്റിന്റെ വിവരങ്ങൾ അറിയാൻ ഫോൺ: 0495 2383953.
Comments