കൊൽക്കത്ത : സ്പൈസ് ജെറ്റ് വിമാനത്തിൽ ഒളിപ്പിച്ച് കടത്താൻ ശ്രമിച്ച സ്വർണം പിടികൂടി. വിമാനത്തിലെ രഹസ്യഅറകളിൽ കറുത്ത ടേപ്പ്കൊണ്ട് ചുറ്റിയാണ് സ്വർണം ഒളിപ്പിച്ച് കടത്തിയത്. 12 കട്ടകളായി പൊതിഞ്ഞ സ്വർണം കൊൽക്കത്തയിലെ കസ്റ്റംസ് ഉദ്യോഗസ്ഥർ കൈയ്യോടെ പിടികൂടി.
30.87 ലക്ഷം വിലമതിക്കുന്ന 600 ഗ്രാം സ്വർണമാണ് പിടിച്ചെടുത്തത്. സ്പൈസ് ജെറ്റ് എസ്ജി-743 വിമാനത്തിൽ ഒളിച്ച് കടത്താനായിരുന്നു ശ്രമം. എന്നാൽ ആരാണ് സ്വർണം കടത്താൻ ശ്രമിച്ചതെന്ന് വ്യക്തമായിട്ടില്ല. സംഭവത്തിൽ അന്വേഷണം ആരംഭിച്ചു.
