ബംഗളൂരു: പ്രവീൺ നെട്ടാരുവിന്റെ കൊലപാതകത്തെ അപലപിച്ച് യുവമോർച്ച ദേശീയ അദ്ധ്യക്ഷൻ തേജസ്വി സൂര്യ. ഇത് ഒരു വിഭാഗത്തെ മാത്രം ലക്ഷ്യമിട്ടുള്ള ആക്രമണം ആണെന്ന് അദ്ദേഹം പറഞ്ഞു. പ്രവീണിന്റെ കുടുംബത്തിന്റെ ദു:ഖത്തിൽ പങ്കുചേരുന്നുവെന്നും തേജസ്വി സൂര്യ മാദ്ധ്യമങ്ങളോട് പ്രതികരിച്ചു.
പ്രവീണിന്റെയും, ഉമേഷ് കോൽഹേ, കനയ്യ ലാൽ എന്നിവരുടെയും കൊലപാതകങ്ങളിൽ സാമ്യതയുണ്ട്. ഒരു വിഭാഗത്തെ മാത്രം ലക്ഷ്യമിട്ടുള്ള ആക്രമണങ്ങളാണ് ഇത്. ഇക്കാര്യത്തിൽ സംശയമില്ല. സമൂഹത്തിലെ സാഹോദര്യം തകർക്കുന്നതിന് വേണ്ടിയാണ് തുടരെ തുടരെയുണ്ടാകുന്ന ഇത്തരം ആക്രമണങ്ങൾ. കൃത്യമായ ആസൂത്രണവും, വലിയ ഗൂഢാലോചനയും സംഭവത്തിന് പിന്നിലുണ്ട്. ഈ സാഹചര്യത്തിൽ കേസ് അന്വേഷണം എൻഐഎയ്ക്ക് വിടാൻ യുവമോർച്ച ആവശ്യപ്പെട്ടിട്ടുണ്ട്. പ്രതികൾക്കെതിരെ യുഎപിഎ ചുമത്തണമെന്നും തേജസ്വി സൂര്യ വ്യക്തമാക്കി.
പ്രവീണിന്റെ കൊലപാതകത്തിൽ ദു:ഖിക്കുന്നവർക്ക് ഒരു കാര്യം ഉറപ്പ് നൽകാം. തീർച്ഛയായും നീതി ലഭിക്കുമെന്നും അദ്ദേഹം വ്യക്തമാക്കി.
Comments