മലപ്പുറം: കരിപ്പൂർ വിമാനത്താവളത്തിൽ വീണ്ടും സ്വർണ വേട്ട. വിമാനത്താവളം വഴി രഹസ്യമായി സ്വർണം കടത്താൻ ശ്രമിച്ച രണ്ട് പേർ കസ്റ്റംസിന്റെ പിടിയിലായി. ഇവരുടെ പക്കൽ നിന്നും 85.64 ലക്ഷം രൂപയുടെ സ്വർണവും പിടിച്ചെടുത്തു.
വിമാനത്താവളം വഴി സ്വർണം കടത്താൻ ശ്രമിക്കുന്നതായി കസ്റ്റംസ് പ്രിവന്റീവ് വിഭാഗത്തിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ പരിശോധനയിൽ ആയിരുന്നു സ്വർണം പിടികൂടിയത്. ക്യാപ്സ്യൂളുകളാക്കി മലദ്വാരത്തിൽ ഒളിപ്പിച്ചായിരുന്നു ഇവർ സ്വർണം കടത്താൻ ശ്രമിച്ചത്. ഒരാളുടെ പക്കൽ നിന്നും 747 ഗ്രാം സ്വർണം അടങ്ങിയ മൂന്ന് ക്യാപ്സൂളുകളും, മറ്റൊരാളുടെ പക്കൽ നിന്നും 1720 ഗ്രാമിന്റെ നാല് ക്യാപ്സൂളുകളുമാണ് പിടിച്ചെടുത്തത്.
ദുബായിൽ നിന്നായിരുന്നു ഇവർ എത്തിയത്. ഒരാൾ പാലക്കാട് സ്വദേശിയാണ്. രണ്ടാമത്തെയാളുടെ പേര് വിവരങ്ങൾ അധികൃതർ ശേഖരിച്ചുവരികയാണ്. വിമാനത്താവളത്തിൽ നിന്നും കഴിഞ്ഞ ദിവസവും സ്വർണം പിടികൂടിയിരുന്നു.
Comments