ബാങ്കോക്ക്: നിശാക്ലബ്ബിലുണ്ടായ തീപിടിത്തത്തിൽ 13 പേർ കൊല്ലപ്പെടുകയും 35 പേർക്ക് പരിക്കേൽക്കുകയും ചെയ്തു. തായ്ലാൻഡിലെ ചോൺബുരി പ്രവിശ്യയിലുള്ള നിശാക്ലബ്ബിലാണ് സംഭവം. തലസ്ഥാന നഗരമായ ബാങ്കോക്കിന്റെ ദക്ഷിണകിഴക്കൻ മേഖലയാണിത്.
തീപിടിത്തത്തിന്റെ കാരണം ഇതുവരെ വ്യക്തമായിട്ടില്ല. രാത്രി ഒരു മണിയോടെയാണ് തീപിടിത്തം ഉണ്ടായത്. അപകടത്തിൽപ്പെട്ടവരെല്ലാം തായ്ലാൻഡ് പൗരന്മാർ തന്നെയാണെന്ന് പോലീസ് കേണൽ വുട്ടിപോങ് സോംജയ് വ്യക്തമാക്കി.
അതേസമയം മരിച്ചവരുടെ എണ്ണം 40 ആയി ഉയർന്നുവെന്നും ചില അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്തു. ഇക്കാര്യം തായ്ലാൻഡ് അധികൃതർ സ്ഥിരീകരിച്ചിട്ടില്ല. ചോൺബുരിയിലെ സത്താഹിപ്പ് ജില്ലയിൽ ‘മൗണ്ടെയിൻ ബി’ എന്ന നിശാക്ലബ്ലിലാണ് അപകടമുണ്ടായത്. സംഭവത്തിൽ അന്വേഷണം പുരോഗമിക്കുകയാണ്.
Comments