ന്യൂഡൽഹി: പ്രധാനമന്ത്രിയ്ക്ക് സ്‌നേഹത്തിന്റെ ഭാഷയിൽ അസമിന്റെ പരമ്പരാഗത വസ്ത്രമായ ഗാംച സമ്മാനിച്ച് കായിക താരം ഹിമ ദാസ്. കോമൺവെൽത്ത് ഗെയിംസിന്റെ ഇന്ത്യൻ സംഘവുമായി പ്രധാനമന്ത്രി ഡൽഹിയിൽ നടത്തിയ കൂടിക്കാഴ്ചയിലാണ് ഗാംച സമ്മാനിച്ചത്. ഇതിന്റെ ചിത്രങ്ങൾ ഹിമ ട്വിറ്ററിൽ പങ്കുവെച്ചു. പ്രധാനമന്ത്രിയിൽ നിന്നും അനുഗ്രഹം ലഭിച്ചതിൽ സന്തോഷമെന്നും അസം ജനതയ്‌ക്കു വേണ്ടി ഗാംച സമ്മാനിക്കാൻ കഴിഞ്ഞത് ഭാഗ്യമായി കാണുന്നുവെന്നുമാണ് ഹിമ ട്വിറ്ററിൽ കുറിച്ചത്.
Elated to receive blessings from our honourable Prime Minister – Shri @narendramodi Ji, by virtue of Commonwealth Games 2022 🙏🏻🇮🇳
Fortunate to have presented him with our traditional gamcha, wrapped with immense gratitude from all of Assam 😇@narendramodi pic.twitter.com/Q5tZvNd0M9— Hima (mon jai) (@HimaDas8) August 14, 2022
ഹിമ, വനിതകളുടെ 100 മീറ്റർ സെമിഫൈനലിൽ 0.01 സെക്കൻഡ് വ്യത്യാസത്തിലാണ് മൂന്നാം സ്ഥാനത്ത് എത്തിയത്. 23.42 സെക്കൻഡിലാണ് ഹിമ ഓടിയെത്തിയത്. ഓസ്ട്രേലിയയുടെ എല്ല കൊണോലി രണ്ടാം സ്ഥാനത്തെത്തി. സെമിയിൽ മൊത്തം പത്താം സ്ഥാനത്താണ് ഹിമ ഫിനിഷ് ചെയ്തത്.ഇന്ത്യൻ കായികരംഗത്തിന്റെ സുവർണ്ണകാലം ആരംഭിച്ചിരിക്കുന്നുവെന്നും യുവശക്തിയുടെ തുടക്കം മാത്രമാണിതെന്നുമാണ് കായികതാരങ്ങളുമായുള്ള ആശയവിനിമയത്തിനിടെ പ്രധാനമന്ത്രി പറഞ്ഞത്.വളരെ കുറച്ച് ദിവസങ്ങൾ കൊണ്ട് ഇന്ത്യയുടെ ശക്തി പുറം ലോകത്തെ അറിയിക്കാൻ കഴിഞ്ഞു.കോമൺവെൽത്ത് ഗെയിംസിലെ ചരിത്ര പ്രകടനത്തിനത്തിനൊപ്പം ഇന്ത്യ ആദ്യമായി ചെസ് ഒളിമ്പ്യാഡിന് ആതിഥേയത്വം വഹിച്ചതും മുന്നേറ്റമായി കാണാമെന്നും മോദി വ്യക്തമാക്കി.
‘കോമൺവെൽത്ത് ഗെയിംസിന് പുറപ്പെടുന്നതിന് മുൻപ് തന്നെ പ്രധാനമന്ത്രി താരങ്ങളോട് മടങ്ങിവരുമ്പോൾ ‘വിജയോത്സവം’ ആഘോഷിക്കുമെന്ന് പറഞ്ഞിരുന്നു. വിജയിച്ചെത്തുമെന്ന് ഉറപ്പുണ്ടായിരുന്നതായും പ്രധാനമന്ത്രി പറഞ്ഞു. തിരക്കുകൾ മാറ്റി വെച്ച് താരങ്ങൾക്കൊപ്പം വിജയം ആഘോഷിക്കാൻ താൻ നേരത്തെ പദ്ധതിയിട്ടിരുന്നതായും മോദി വ്യക്തമാക്കി.
Comments