മലപ്പുറം: കരിപ്പൂരിൽ വൻ സ്വർണവേട്ട. വിമാനത്താവളം വഴി കടത്താൻ ശ്രമിച്ച കോടികളുടെ സ്വർണം പിടികൂടി. സംഭവത്തിൽ ഒരാൾ കസ്റ്റംസിന്റെ പിടിയിലായിട്ടുണ്ട്.
ഉച്ചയോടെയായിരുന്നു സംഭവം. മലപ്പുറം ഓമാനൂർ സ്വദേശി ഹംസാത്തു സാദിഖ് ആണ് സ്വർണം കടത്തിയത്. മിശ്രിത രൂപത്തിലാക്കി മലദ്വാരത്തിലായിരുന്നു ഇയാൾ സ്വർണം ഒളിപ്പിച്ചത്. എന്നാൽ സുരക്ഷാ പരിശോധനയ്‌ക്കിടെ ഇയാൾ പിടിയിലാകുകയായിരുന്നു. ഇയാളുടെ പക്കൽ നിന്നും 2.4 കിലോ സ്വർണം പിടിച്ചെടുത്തിട്ടുണ്ട്.
ബഹ്‌റൈനിൽ നിന്നാണ് സാദിഖ് സ്വർണവുമായി വിമാനത്താവളത്തിൽ എത്തിയത്. പിടിച്ചെടുത്ത സ്വർണത്തിന് രണ്ട് കോടി രൂപയോളം വിലവരുമെന്ന് അധികൃതർ പറഞ്ഞു. കോടതിയിൽ ഹാജരാക്കിയ സാദിഖിനെ റിമാൻഡ് ചെയ്തു.
Comments