അഹമ്മദാബാദ് :ഗുജറാത്തിൽ വൻ മയക്കുമരുന്ന് വേട്ട. ആയിരം കോടിയുടെ മയക്കുമരുന്ന് പിടിച്ചെടുത്തു. ബറൂച്ച് ജില്ലയിലാണ് സംഭവം. അങ്കലേശ്വറിലെ മയക്കുമരുന്ന് ഫാക്ടറിയിൽ നിന്നുമാണ് എംഡിഎംഎ പിടികൂടിയത്. സംഭവത്തിൽ ഒരു സ്ത്രീ ഉൾപ്പെടെ ഏഴ് പേരെ പോലീസ് അറസ്റ്റ് ചെയ്തിട്ടുണ്ട്.
മുംബൈ ആന്റി നാർക്കോട്ടിക്സ് സെല്ലിന്റെ നേതൃത്വത്തിൽ നടത്തിയ റെയ്ഡിൽ 513 കിലോ സിന്തറ്റിക് ഡ്രഗ്സ് ആണ് പിടികൂടിയത്. ഫാക്ടറി തകർത്തായിരുന്നു പരിശോധന. പിടികൂടിയ മയക്കുമരുന്നിന് വിപണിയിൽ 1026 കോടി മൂല്യമുണ്ടെന്നാണ് റിപ്പോർട്ട്. കെമിസ്ട്രിയിൽ ബിരുദാനന്തര ബിരുദമുള്ള ഡ്രഗ് യൂണിറ്റിന്റെ ഉടമ ഗിരിരാജ് ദീക്ഷിതിനെയും അറസ്റ്റ് ചെയ്തതായി ഉദ്യോഗസ്ഥർ അറിയിച്ചു.
Comments