ന്യൂഡൽഹി: പഞ്ചാബിയും ഇംഗ്ലീഷും കലർത്തി നർമ്മത്തിൽ പൊതിഞ്ഞ് വിമാനത്തിനുള്ളിൽ അറിയിപ്പ് പുറപ്പെടുവിച്ച് പൈലറ്റ്. ബംഗളൂരുവിൽ നിന്നും ഛണ്ഡീഗഡിനു പുറപ്പെട്ട ഇൻഡിഗോ വിമാനത്തിലാണ് സംഭവം. പഞ്ചാബിയും ഇംഗ്ലീഷും ചേർത്ത് യാത്രക്കാരെ കോക്പിറ്റിൽ സ്വാഗതം ചെയ്യുന്നതിന്റെ വീഡിയോ യാത്രക്കാരിൽ ഒരാളായ ധൻവീർ സിംഗാണ് ട്വിറ്ററിൽ പങ്കുവെച്ചത്.
വിമാനത്തിന്റെ വലതു ഭാഗത്ത് ഇരിക്കുന്നവർക്ക് ഭോപാൽ കാണാൻ കഴിയുമെന്ന് ഇംഗ്ലീഷിൽ പൈലറ്റ് പറഞ്ഞു. തുടർന്ന് പഞ്ചാബിയിൽ ഇടതു ഭാഗത്ത് ഇരിക്കുന്നവർക്ക് ജയ്പൂർ കാണാനും കഴിയുമെന്ന് അദ്ദേഹം പറയുന്നു. യാത്രയ്ക്കിടയിൽ ഹൈദരാബാദും കാണാൻ കഴിയുമെന്നും പൈലറ്റ് പറഞ്ഞു. ഇടയ്ക്ക് ഇരിക്കുന്ന ആളുകളുടെ കാര്യമോ എന്ന് പൈലറ്റ് തുടർന്ന് ചോദിക്കുന്നു. ഒന്നും ചെയ്യാനില്ലെന്നും ഇടത്തോട്ടും വലത്തോട്ടും തിരിയാനും പരസ്പരം വലത്തേക്ക് നോക്കാനുമാണ് അദ്ദേഹം നിർദേശിക്കുന്നത്. എപ്പോഴും വിൻഡോ സീറ്റ് തിരഞ്ഞെടുക്കണമെന്ന പാഠം പഠിച്ചില്ലെയെന്നും പൈലറ്റ് ഹാസ്യ രൂപേണ ചോദിച്ചു.വിമാനത്തിന്റെ വാതിലുകൾ തുറക്കുന്നതു വരെ സീറ്റുകളിൽ തുടരണമെന്നും അദ്ദേഹം നിർദേശിക്കുന്നതായി വീഡിയോയിൽ കാണാൻ കഴിയും.
Some tips by the Captain in a Punjabi English mix to passengers on flight Bangalore to Chandigarh. pic.twitter.com/7V3dQ9PUdO
— Danvir Singh दानवीर सिंह (@danvir_chauhan) August 24, 2022
ട്വിറ്ററിൽ ആയിരക്കണക്കിന് ആളുകളാണ് ദൃശ്യങ്ങൾ കണ്ടത്. നിരവധി പേരാണ് ക്യാപ്റ്റനെ പ്രശംസിച്ചത്. അദ്ദേഹം വിമാനം പറത്തുമ്പോൾ വിമാനത്തിൽ ആയിരിക്കാനും ആഗ്രഹിക്കുന്നു എന്ന തരത്തിലുള്ള കമന്റുകളാണ് ഉപഭോക്താക്കൾ പങ്കുവെച്ചിരിക്കുന്നത്.
