അബുദാബി: ഏഷ്യ കപ്പ് ക്രിക്കറ്റ് ടൂർണമെന്റിന് മുന്നോടിയായി ഇന്ത്യൻ ടീം പരിശീലനത്തിനായി ദുബായിയിൽ എത്തി. ആദ്യ മത്സരം ഓഗസ്റ്റ് 28ന് ഇന്ത്യയുടെ എക്കാലത്തെയും എതിരാളി പാകിസ്താനുമായി നടക്കും. കോച്ച് വി വി എസ് ലക്ഷ്മണിന്റെ പരിശീലന മികവിൽ ടീം ഇന്ത്യ ശക്തമായ പോരാട്ടം കാഴ്‌ച്ച വെക്കുമെന്ന് ക്യാപ്റ്റൻ രോഹിത് ശർമ പറഞ്ഞു.
നാല് വർഷത്തെ ഇടവേളയ്‌ക്ക് ശേഷം നടക്കുന്ന ഏഷ്യ കപ്പ് മത്സരം രണ്ട് വേദികളിലായി ടി 20 ഫോർമാറ്റിലാണ് കളിക്കുക. ഷാർജ ക്രിക്കറ്റ് സ്റ്റേഡിയത്തിൽ ഉൽഘാടന മത്സരമടക്കം നാലും, ദുബായ് ഇന്റർനാഷണൽ സ്റ്റേഡിയത്തിൽ ഫൈനൽ ഉൾപ്പെടെ ഒമ്പത് മത്സരങ്ങളുമാകും നടക്കുക. ഏഷ്യ കപ്പ് ടൂർണമെന്റിൽ ഏറ്റവും അധികം ചമ്പ്യാന്മാരായിട്ടുള്ള ടീമാണ് ഇന്ത്യ. മികച്ച കളി കാഴ്ച വെയ്‌ക്കുകയും ടീമിനെ ഉയർന്ന നിലവാരത്തിൽ എത്തിക്കാൻ ശ്രമിക്കുകയുമാണ് ലഷ്യമെന്ന് കോച്ച് വി വി എസ് ലക്ഷ്മൺ പറഞ്ഞു.
