തിരുവനന്തപുരം: ലോകായുക്തയുടെ അധികാരം കവരുന്ന ബില് ഇന്ന് വീണ്ടും നിയമസഭയില്. അഴിമതി കേസില് ലോകായുക്ത വിധിയോടെ പൊതു പ്രവര്ത്തകര് പദവി ഒഴിയണം എന്ന നിയമത്തിലെ പതിനാലാം വകുപ്പാണ് എടുത്ത് കളയുന്നത്. ഇതോടെ ലോകായുക്തയുടെ വിധികള് അപ്രസക്തമാകും. മുഖ്യമന്ത്രിക്ക് എതിരായ വിധിയില് പുന:പരിശോധനാ അധികാരം നിയമസഭയ്ക്ക് നല്കുന്ന ഭേദഗതി ആണ് കൊണ്ട് വരുന്നത്. മന്ത്രിമാര്ക്ക് എതിരായ വിധി മുഖ്യമന്ത്രിക്കും എംഎല്എമാര്ക്ക് എതിരായ വിധി സ്പീക്കര്ക്കും പരിശോധിക്കാം.
ലോകായുക്ത ബില്ലിന് പുറമെ സര്വ്വകലാശാല ഭേദഗതി ബില്ലും നിയമസഭ ഇന്ന് പരിഗണിക്കുന്നുണ്ട്. രണ്ട് ബില്ലുകളും സബ്ജക്ട് കമ്മിറ്റിയുടെ പരിണനയ്ക്ക് ശേഷമാണ് വീണ്ടും സഭയില് എത്തിക്കുന്നത്. അതേസമയം ഗവര്ണറുടെ നിലപാടുകള് നിര്ണായകമാകും. ബില്ലുകള് രാഷ്ട്രപതിയുടെ പരിഗണനയ്ക്ക് വിടാനും സാധ്യതയുണ്ട്. സര്വ്വകലാശാല ഭേദഗതി ബില് സബ്ജക്ട് കമ്മിറ്റി പരിഗണിച്ചപ്പോള് ഇത് നടപ്പാക്കുന്ന തിയതി ഓഗസ്റ്റ് ഒന്ന് മുതലായിരിക്കുമെന്നും ബില്ലില് കൂട്ടിച്ചേര്ത്തിട്ടുണ്ട്.
Comments