പട്ന: പ്രതിപക്ഷത്തിന്റെ പ്രധാനമന്ത്രി സ്ഥാനാർത്ഥി ആരാകും എന്ന മാദ്ധ്യമ പ്രവർത്തകരുടെ ചോദ്യങ്ങളോടുള്ള ബിഹാർ മുഖ്യമന്ത്രി നിതീഷ് കുമാറിന്റെയും തെലങ്കാന മുഖ്യമന്ത്രി ചന്ദ്രശേഖർ റാവുവിന്റെയും പ്രതികരണങ്ങൾ സാമൂഹിക മാദ്ധ്യമങ്ങളിൽ ചിരി പടർത്തുന്നു. ആഗ്രഹം മറച്ചു വെക്കാതെയുള്ള ഇരുവരുടെയും പ്രതികരണങ്ങളെ പരിഹസിച്ച് ബിജെപി നേതാക്കളും രംഗത്തെത്തി. പ്രതിപക്ഷ ഐക്യം വ്യക്തമാക്കാൻ ഇരു നേതാക്കളും വിളിച്ചു ചേർത്ത വാർത്താ സമ്മേളനം, ഫലത്തിൽ പ്രതിപക്ഷത്ത് ഇപ്പോഴും നിലനിൽക്കുന്ന അധികാര മോഹത്തിൻ്റേയും ഭിന്നതയുടെയും പ്രകടമായ ഉദാഹരണമായി.
പ്രതിപക്ഷത്തിന്റെ പ്രധാനമന്ത്രി സ്ഥാനാർത്ഥിയെ സംബന്ധിച്ച മാദ്ധ്യമ പ്രവർത്തകരുടെ ചോദ്യത്തോട് പ്രതികരിക്കാതെ നിതീഷ് കുമാർ എഴുന്നേറ്റ് പോകാൻ ശ്രമിച്ചു. എന്നാൽ നിതീഷിനെ പോകുന്നതിൽ നിന്നും വിലക്കിയ ചന്ദ്രശേഖർ റാവു, ചോദ്യത്തിന് മറുപടി നൽകാൻ തയ്യാറായി.
‘കൂടിയാലോചനകൾ ഇല്ലാതെ ഞാൻ ഒരു പേര് നിർദ്ദേശിക്കുന്നത് എങ്ങനെ? നിങ്ങൾക്ക് എന്താണിത്ര ധൃതി? ഞങ്ങൾ ഒരുമിച്ചിരുന്ന് ആലോചിച്ച് ഇക്കാര്യത്തിൽ ഒരു തീരുമാനത്തിലെത്തും.’ പോകാൻ എഴുന്നേറ്റ നിതീഷിന്റെ മുന്നിൽ വെച്ച്, മാദ്ധ്യമ പ്രവർത്തകരുടെ ചോദ്യത്തിന് ചന്ദ്രശേഖർ റാവു മറുപടി പറഞ്ഞു. ഞാൻ ഇരിക്കുകയാണ്, താങ്കളും ഇരിക്കൂ എന്ന് റാവു നിതീഷിനോട് വീണ്ടും ആവശ്യപ്പെട്ടു. ഇതോടെ നിതീഷ് കുമാർ ഇരിക്കാൻ തയ്യാറായി.
രാഹുൽ ഗാന്ധിയെക്കുറിച്ച് മാദ്ധ്യമ പ്രവർത്തകർ ചോദിച്ചപ്പോൾ, ബിജെപി വിരുദ്ധ ശക്തികളെ ഒരുമിച്ച് നിർത്താൻ സാദ്ധ്യമായതെല്ലാം ചെയ്യുമെന്ന് റാവു മറുപടി നൽകി. ഇതോടെ ക്ഷമ കെട്ട നിതീഷ് കുമാർ വീണ്ടും എഴുന്നേറ്റു. മതിയാക്ക്, നമുക്ക് പോകാം എന്ന് റാവുവിനോട് അക്ഷമയോടെ ആവശ്യപ്പെട്ടു.
സംഭവത്തിന്റെ വീഡിയോ ബിജെപി പ്രവർത്തകർ ഏറ്റെടുത്തു. പ്രധാനമന്ത്രി സ്ഥാനമോഹവുമായി തെലങ്കാനയിൽ നിന്നും പട്ന വരെ യാത്ര ചെയ്ത ചന്ദ്രശേഖർ റാവുവിനെ നിതീഷ് ഇങ്ങനെ അപമാനിക്കേണ്ടിയിരുന്നില്ലെന്ന് ബിജെപി നേതാക്കൾ പരിഹസിച്ചു. ഏറ്റവും വലിയ അവസരവാദിയും നയവഞ്ചകനും സ്വാർത്ഥനുമായ നിതീഷിനോടാണോ ഏതാണ്ട് സമാനമനസ്കനായ റാവു മത്സരിക്കുന്നതെന്ന പരിഹാസ രൂപേണയുള്ള കമൻ്റ് ബിജെപി നേതാവ് അമിത് മാളവ്യ പങ്കുവെച്ച വീഡിയോക്ക് താഴെ ഒരാൾ രേഖപ്പെടുത്തി.
Did KCR travel to Patna to get insulted like this? Nitish Kumar didn’t even accord him the basic courtesy of completing his point in a press interaction. Nitish was dismissive of KCR’s pleas to let him finish. But then that is Nitish Kumar. Self conceited. KCR asked for it… pic.twitter.com/k9BQPo6FCI
— Amit Malviya (@amitmalviya) August 31, 2022
മൂന്നാം മുന്നണിയോ നാലാം മുന്നണിയോ അഞ്ചാം മുന്നണിയോ രൂപീകരിക്കാം എന്ന മോഹവുമായി പട്നയിലെത്തിയ ചന്ദ്രശേഖർ റാവുവിനെ നിതീഷ് ഗംഭീരമായി അപമാനിച്ചു വിട്ടുവെന്ന്, വീഡിയോ പങ്കു വെച്ച ബിജെപി നേതാവ് ഷെഹ്സാദ് പരിഹസിച്ചു. സാമൂഹിക മാദ്ധ്യമങ്ങളിലും രാഷ്ട്രീയ ആക്ഷേപ ഹാസ്യ പരിപാടികളിലും നിറഞ്ഞാടുകയാണ് നിതീഷിന്റെയും ചന്ദ്രശേഖർ റാവുവിന്റെയും കസേരകളി.
If KCR had any hopes of leading the 3rd/4th/5th front – Nitish Kumar has effectively ended those by embarrassing him in the most brutal manner pic.twitter.com/NuskfJLUtP
— Shehzad Jai Hind (@Shehzad_Ind) September 1, 2022
Comments