പാലക്കാട്: വിനായക ചതുർത്ഥിയുടെ ഭാഗമായി പാലക്കാട് ജില്ലയിൽ വിപുലമായ ആഘോഷങ്ങൾ . ജില്ലയിലെ വിവിധ ഭാഗങ്ങളിൽ ഘോഷയാത്രയുൾപ്പെടെ വിവിധ പരിപാടികൾ സംഘടിപ്പിച്ചു. പാലക്കാട് നഗരത്തിൽ സംഘടിപ്പിച്ച ഗണേശ വിഗ്രഹനിമഞ്ജന മഹാശോഭയാത്രയുടെ ചിത്രങ്ങൾ യുവമോർച്ച ജില്ലാ അദ്ധ്യക്ഷൻ പ്രശാന്ത് ശിവൻ ഫേസ്ബുക്കിൽ പങ്കുവെച്ചിട്ടുണ്ട്.
വിനായക ചതുർത്ഥിയുടെ ഭാഗമായി കഴിഞ്ഞ ദിവസമാണ് നഗരത്തിൽ മഹാശോഭയാത്ര നടന്നത്. നഗരത്തിലെ ആഘോഷപരിപാടികൾ തമിഴ്നാട് ബിജെപി അദ്ധ്യക്ഷൻ അണ്ണമലൈ ഉദ്ഘാടനം ചെയ്തു . ഉച്ചയ്ക്ക് 2.30 ന് മൂത്താന്തറ കണ്ണകി ക്ഷേത്ര പരിസരത്ത് നിന്നായിരുന്നു ശോഭയാത്ര ആരംഭിച്ചത്. മൂന്നൂറിലധികം ഗണേശവിഗ്രഹങ്ങൾ ശോഭയാത്രയിൽ അണിനിരന്നു. തൃത്താല, ഓറ്റപ്പാലം, കൊടുവായൂർ തുടങ്ങിയവിടങ്ങളിലും വിപുലമായ ആഘോഷപരിപാടികളാണ് വിനായക ചതുർത്ഥിയുടെ ഭാഗമായി സംഘടിപ്പിച്ചത്.
ഇത് പാലക്കാടാണ്, ഇവിടെ ഇങ്ങനെയാണെന്ന് തുടങ്ങുന്ന കുറിപ്പിനൊപ്പമാണ് പ്രശാന്ത് ശിവൻ ആഘോഷങ്ങളുടെ ചിത്രങ്ങൾ പങ്കുവെച്ചത്. ജിഹാദി ഭീകരവാദികൾ എത്ര ചോരവീഴ്ത്തി കലുഷിതമാക്കാൻ ശ്രമിച്ചാലും ദേശീയത നെഞ്ചോട് ചേർക്കുന്ന സമൂഹമാണ് പാലക്കാടുള്ളതെന്ന് അദ്ദേഹം പറഞ്ഞു.
