മലയാളികളുടെ പ്രിയ താരമാണ് മോഹൻലാൽ. തിരുവോണ ദിനത്തിൽ ലോകമെമ്പാടുമുള്ള മലയാളികൾക്ക് ആശംസ നേർന്നു കൊണ്ട് ഒരു സമ്മാനം നൽകിയിരിക്കുകയാണ് താരം ഇപ്പോൾ. ഓണ സമ്മാനമായി മോൺസ്റ്റർ , എലോൺ എന്നീ ചിത്രങ്ങളുടെ പുതിയ പോസ്റ്ററാണ് താരം പുറത്ത് വിട്ടത്. ഇരു ചിത്രങ്ങളും പ്രേക്ഷകർ ഏറെ ആകാഷയോടെ കാണാൻ കാത്തിരിക്കുന്നവയാണ്.
12 വർഷത്തെ ഇടവേളയ്ക്കു ശേഷം ഷാജി കൈലാസും മോഹൻലാലും ഒന്നിക്കുന്ന ചിത്രമാണ് ‘എലോൺ’.മലയാള സിനിമയിലെ എക്കാലത്തെയും ഹിറ്റ് കോംമ്പോ വീണ്ടും ഒന്നിക്കുന്ന സിനിമയ്ക്കായി ഏറെ പ്രതീക്ഷയോടെയാണ് ഓരോ സിനിമാസ്വാദകരും കാത്തിരിക്കുന്നത്. ഇരുൾ വീണ ഇടനാഴിയിൽ മോഹൻലാൽ കഥാപാത്രം നിൽക്കുന്നതാണ് പോസ്റ്റർ ലുക്ക്.ആശിർവാദ് സിനിമാസിന്റെ ബാനറിൽ ആൻറണി പെരുമ്പാവൂർ നിർമിക്കുന്ന ചിത്രമാണ് എലോൺ. 2009ൽ പുറത്തിറങ്ങിയ ക്രൈം ത്രില്ലർ ചിത്രം ‘റെഡ് ചില്ലീസി’നു ശേഷം മോഹൻലാൽ നായകനാവുന്ന ഷാജി കൈലാസ് ചിത്രം കൂടിയാണിത്.
ആരാധകർ ആവേശത്തോടെ കാത്തിരിക്കുന്ന മറ്റൊരു മോഹൻലാൽ ചിത്രമാണ് ‘മോൺസ്റ്റർ. പുലിമുരുകനു ശേഷം മോഹൻലാലിനെ നായകനാക്കി വൈശാഖ് സംവിധാനം ചെയ്യുന്നുവെന്നതു തന്നെയാണ് ചിത്രത്തിന്റെ ഏറ്റവും വലിയ ആകർഷണം. ‘പുലിമുരുകന്റെ’ രചയിതാവ് ഉദയ് കൃഷ്ണ തന്നെയാണ് മോൺസ്റ്ററിന്റെ തിരക്കഥാകൃത്തും. എന്തായാലും ആരാധകർ താരത്തിന്റെ ആശംസയും ഓണ സമ്മാനവും ഇരുകൈയ്യും നീട്ടി സ്വീകരിച്ചിരിക്കുകയാണ്. നിരവധി പേരാണ് പോസ്റ്ററുകൾ ഇതിനകം പങ്കുവച്ചിരിക്കുന്നത്.
