സൂറിച്ച്; ഡയമണ്ട് ലീഗ് ഫൈനലിൽ നീരജ് ചോപ്രക്ക് സ്വർണം. ജാവലിൻ ത്രോയിൽ 88.44 മീറ്റർ ദൂരമെറിഞ്ഞാണ് ഒന്നാം സ്ഥാനത്തെത്തിയത്. രണ്ടാം ശ്രമത്തിലാണ് അദ്ദേഹം മികച്ച പ്രകടനം പുറത്തെടുത്തത്. ഡമയണ്ട് ലീഗ് ഫൈനലിൽ മെഡൽ നേടുന്ന ആദ്യ ഇന്ത്യൻ താരമാണ് നീരജ് ചോപ്ര.
ചെക്ക് റിപ്പബ്ലിക്കിന്റെ യാക്കൂബ് വാൽഡെജ് 86.94 മീറ്റർ കുറിച്ച് വെള്ളി നേടി. ഈ വർഷം നടന്ന ഡയമണ്ട് ലീഗ് മീറ്റുകളിൽ മികച്ച സമയം കുറിച്ച ആറ് അത്ലറ്റുകളാണ് ജാവലിൻ ഫൈനലിൽ അണിനിരന്നത്.
2022 ലെ കോമൺവെൽത്ത് ഗെയിംസ് പരുക്ക് മൂലം നീരജിന് നഷ്ടമായിരുന്നു. ഒളിമ്പിക് സ്വർണവും ലോക അത്ലറ്റിക്സ് ചാംപ്യൻഷിപ്പിൽ വെള്ളിയും നേടിയിരുന്നു.യൂജിനിൽ നടന്ന ലോക അത്ലറ്റിക്സ് ചാമ്പ്യൻഷിപ്പ് ഫൈനലിലായിരുന്നു താരത്തിന് പരിക്കേറ്റത്.
