ഇന്ന് സ്ത്രീകളുടെയും പുരുഷന്മാരുടെയും ഉറക്കം കെടുത്തുന്ന പ്രധാന പ്രശ്നമാണ് മുടി കൊഴിച്ചിൽ. ഇത് പല എണ്ണകളും, പൊടിക്കൈകളും പ്രയോഗിച്ച് മടുത്തവരാകും നമ്മൾ. എന്നാൽ മുടി കൊഴിയുകയല്ലാതെ ഫലം ഒന്നും ഉണ്ടായിക്കാണില്ല. ജീവിത രീതി, വെള്ളം, ഹോർമോൺ വ്യതിയാനം തുടങ്ങിയ നിരവധി കാരണങ്ങളാണ് ഇത്തരത്തിൽ മുടികൊഴിച്ചിൽ ഉണ്ടാക്കുന്നത്. അതിനാൽ ബാഹ്യ പരിചരണത്തെക്കാൾ മുടിയ്ക്ക് അത്യാവശ്യം ആന്തരിക പരിചരണമാണ്. അതായത് നല്ല ഭക്ഷണം.
പ്രോട്ടീൻ, വിറ്റാമിനുകൾ, മിനറലുകൾ എന്നിവയാണ് മുടിയുടെ ആരോഗ്യത്തിന് അത്യാവശ്യം. അതിനാൽ ഇവയെല്ലാം ഭക്ഷണത്തിൽ ഉൾപ്പെടുത്തുക എന്നതാണ് മുടികൊഴിച്ചിലിനുള്ള പ്രധാന പ്രതിവിധി. ഇവയെല്ലാം മുടി കൊഴിച്ചിൽ തടഞ്ഞ് വളർച്ചയെ ത്വരിതപ്പെടുത്തുന്ന ഘടകങ്ങൾ ആണ്.
മുടിയുടെ ആരോഗ്യത്തിന് ഏറ്റവും പ്രധാനപ്പെട്ട ഘടകമാണ് പ്രോട്ടീൻ. മുട്ട എന്നത് പ്രോട്ടീനിന്റെ കലവറയാണ്. അതിനാൽ മുട്ട കഴിക്കുന്നത് മുടി കൊഴിച്ചിൽ നിയന്ത്രിക്കും. മുട്ടയുടെ വെള്ള തലയിൽ തേച്ച് കുളിക്കുന്നതും നല്ലതാണ്. മുട്ടയിൽ അടങ്ങിയിരിക്കുന്ന ബയോട്ടിനാണ് തലമുടിയ്ക്ക് ആരോഗ്യം നൽകുന്നത്.
ബദാം ദിനവും കഴിക്കുന്നത് മുടിയുടെ ആരോഗ്യത്തിന് അത്യുത്തമമാണ്. ബദാമിൽ അടങ്ങിയിരിക്കുന്ന ഒമേഗ 3 ഫാറ്റി ആസിഡ്, സിങ്ക്, വിറ്റാമിൻ ഇ, ബി1, ബി 6 എന്നിവ തലമുടിയുടെ വളർച്ചയെ ത്വരിതപ്പെടുത്തും.
മുടി വളർച്ചയെ ഏറ്റവും കൂടുതൽ സഹായിക്കുന്ന ഘടകമാണ് വിറ്റാമിൻ. ചീര വിറ്റാമിനുകളുടെ കലവറയാണ്. അതുകൊണ്ട് ആഹാരത്തിൽ ചീര ഉൾപ്പെടുത്തുന്നത് മുടിയുടെ ആരോഗ്യത്തിന് അത്യുത്തമമാണ്. ഇതിന് പുറമേ പൊട്ടാസ്യം, കാത്സ്യം, അയേൺ തുടങ്ങിയവയും, ധാധുക്കൾ, പ്രോട്ടീൻ എന്നിവയും ചീരയിലൂടെ ശരീരത്തിൽ എത്തുന്നു.
ചർമ്മത്തിന്റെയും മുടിയുടെയും ആരോഗ്യത്തിന് ഒരു പോലെ ആവശ്യമുള്ള ഒന്നാണ്. സിട്രസ് അടങ്ങിയ പഴങ്ങൾ, കാപ്സിക്കം, നാരങ്ങ വെള്ളം, ഓറഞ്ച്, നെല്ലിക്ക തുടങ്ങിയവ വിറ്റാമിൻ സി എന്നിവ കഴിക്കുന്നത് മുടിയ്ക്ക് ഏറെ ഗുണകരമാണ്. മുടിയുടെ ആരോഗ്യത്തിന് നിർബന്ധമായും കഴിക്കേണ്ട മറ്റൊന്നാണ് ചെറുപയർ. അയേണിന്റെ അളവ് ധാരാളമായി അടങ്ങിയിരിക്കുന്ന ചെറുപയറിൽ പൊട്ടാസ്യം, മഗ്നീഷ്യം, ഫോളിക് ആസിഡ്, ഫൈബർ എന്നിവ ധാരാളമായി അടങ്ങിയിട്ടുണ്ട്. ഇത് മുടിയുടെ ആരോഗ്യം സംരക്ഷിക്കുന്നു. ബെറി പഴങ്ങൾ, മധുരക്കിഴങ്ങ്, ചിയ വിത്തുകൾ എന്നിവയും മുടിയുടെ ആരോഗ്യത്തിന് അത്യുത്തമമാണ്.
Comments