തൃശൂർ: ആർ എസ് എസ് സർസംഘചാലക് ഡോക്ടർ മോഹൻ ഭാഗവതുമായി കൂടിക്കാഴ്ച നടത്തി കേരള ഗവർണർ ആരിഫ് മുഹമ്മദ് ഖാൻ. തൃശൂർ ആനക്കല്ലിൽ ആർ എസ് എസ് പ്രാദേശിക നേതാവിന്റെ വീട്ടിലായിരുന്നു കൂടിക്കാഴ്ച. കൂടിക്കാഴ്ച അര മണിക്കൂർ നീണ്ടു നിന്നു.
വിവിധ പരിപാടികളിൽ സംബന്ധിക്കുന്നതിനായി ഡോക്ടർ മോഹൻ ഭാഗവത് രണ്ട് ദിവസമായി തൃശൂരിലുണ്ട്. സെപ്റ്റംബർ 15ന് കൊല്ലത്ത് മാതാ അമൃതാനന്ദമയിയെ അദ്ദേഹം സന്ദർശിച്ചിരുന്നു. നാല് ദിവസത്തെ സന്ദർശനത്തിനാണ് അദ്ദേഹം കേരളത്തിൽ എത്തിയിരിക്കുന്നത്.
ശനിയാഴ്ച രാവിലെ മുതൽ ഗുരുവായൂർ രാധേയം ആഡിറ്റോറിയത്തിൽ ചേരുന്ന ആർഎസ്എസ് ബൈഠക്കിൽ പങ്കെടുക്കുന്ന സർസംഘചാലക്, വൈകിട്ട് 5ന് ഗുരുവായൂർ ശ്രീകൃഷ്ണ കോളജ് ഗ്രൗണ്ടിൽ ഗുരുവായൂർ സംഘ ജില്ലയിലെ പൂർണ ഗണവേഷധാരികളായ പ്രവർത്തകരുടെ സാംഘിക്കിൽ സംസാരിക്കും.
Comments