മാണ്ഡി: ഇന്ത്യയുടെ ശക്തി സ്ത്രോതസായ യുവാക്കളുടെ കൂടെ പ്രവർത്തിക്കാൻ തനിക്കെന്നും ആവേശമാണെന്ന് പ്രധാനമന്ത്രി നരേന്ദ്ര മോദി. ഇന്ന് ഹിമാചൽ പ്രദേശിലെ മാണ്ഡി ജില്ലയിൽ നടക്കുന്ന യുവമോർച്ചയുടെ സങ്കല്പ് മഹാറാലിയെ അഭിസംബോധന നടത്തുന്നതിന് മുന്നോടിയായി അദ്ദേഹം പറഞ്ഞു.
രാജ്യത്തെ ഊർജ്വസ്വലരായ യുവാക്കൾക്ക് വേണ്ടി സർക്കാർ നിരവധി കാര്യങ്ങളാണ് ചെയ്യുന്നത്. രാജ്യത്ത് യുവാക്കൾ സ്വയം പര്യാപ്തത നേടണമെന്ന ഉദ്ദേശത്തോടുകൂടി എൻ ഡി എ സർക്കാർ നിരവധി കാര്യങ്ങളാണ് ഏറ്റെടുത്തു ചെയ്യുന്നത്.
പ്രധാനമന്ത്രി നരേന്ദ്രമോദി അഭിസംബോധന ചെയ്തു സംസാരിക്കുന്ന യുവമോർച്ചയുടെ സങ്കല്പ് റാലി മാണ്ഡി ജില്ലയിലെ ചരിത്ര പ്രസിദ്ധമായ പദ്ദൽ മൈതാനത്താണ് നടക്കുന്നത്. സംസ്ഥാനത്ത് ഈ വർഷം അവസാനം നടക്കാൻ പോകുന്ന നിയമസഭാ തിരഞ്ഞെടുപ്പിന് മുന്നോടിയായാണ് ഇത്തരമൊരു റാലി ബിജെപി സംഘടിപ്പിക്കുന്നത്. റാലിയിൽ ലക്ഷ കണക്കിന് പ്രവർത്തകർ പങ്കെടുക്കുമെന്ന് യുവമോർച്ച ദേശീയ അദ്ധ്യക്ഷൻ തേജസ്വി സൂര്യ പറഞ്ഞു.
